Çaganyň sagdyn we beden taýdan dogry ösüşi üçin berilýän iýmitiň düzümi hem-de hili örän möhümdir. Şonuň üçin hem çaga iýmit önümlerine döwlet derejesinde ýörite talaplar bildirilýär. Bu talaplar çagalaryň fiziologik aýratynlyklaryny göz öňünde tutup, olaryň saglygyny goramagy, howpsuzlygyny üpjün etmegi we hil taýdan doly üpjün etmegi
maksat edinýär.

Ça­ga iý­mit önüm­le­ri­ne bil­di­ri­len ta­lap­la­ryň baş mak­sa­dy ça­ga­nyň ösüp-ulal­ma­gy üçin ze­rur bo­lan äh­li iý­mit ele­ment­le­ri­ni (be­lok, ýag, wi­ta­min, mi­ne­ral we ş.m.) üp­jün et­mek, şol bir wag­tyň özün­de-de howp­ly hi­mi­ki, bio­lo­gi­k ýa-da te­bi­gy taý­dan zy­ýan­ly mad­da­la­ryň bol­maz­ly­gy­ny ke­pil­len­dir­mek­dir.
Gah­ry­man Ar­ka­da­gy­my­zyň hem-de Arkadagly Gah­ry­man Ser­da­ry­my­zyň baş­tu­tan­ly­gyn­da dur­mu­şa ge­çi­ril­ýän giň möç­ber­li sag­lyk sy­ýa­sa­ty ila­tyň, aý­ra­tyn-da ça­ga­la­ryň sag­dyn ösü­şi­ni üp­jün et­mä­ge gö­nük­di­ri­len­dir. Sag­dyn nes­li ke­ma­la ge­tir­mek­de ýo­ka­ry hil­li we howp­suz ça­ga iý­mit­le­ri­niň ön­dü­ri­li­şi mö­hüm orun eýe­le­ýär. Arkadag şä­he­rin­de dö­re­di­len Sag­lyk Klas­te­ri ýur­du­my­zyň bu ugur­da­ky müm­kin­çi­lik­le­ri­ni has-da gi­ňel­dip, dün­ýä öl­çeg­le­ri­ne la­ýyk gel­ýän hil taý­dan yg­ty­bar­ly önüm­le­riň ön­dü­ril­me­gi­ni üp­jün ed­ýär.
Ar­ka­dag şä­he­ri­niň gur­lu­şy­gyn­da «akyl­ly» şä­her kon­sep­si­ýa­sy esa­syn­da in­no­wa­si­ýa­lar we san­ly çöz­güt­ler ula­nyl­dy. Şä­her­de dö­re­di­len «Arkadag Me­di­si­na Klas­te­ri Me­nej­ment» kär­ha­na­sy ýur­du­my­zyň sag­ly­gy go­ra­ýyş ul­ga­my­nyň tä­ze ön­dü­ri­ji­lik kuw­wa­ty­ny eme­le ge­ti­rip, luk­man­çy­lyk, iý­mit we sa­ni­ta­ri­ýa önüm­le­ri­niň mil­li önüm­çi­li­gi­ni ös­dür­mek­de mö­hüm äh­mi­ýe­te eýe bol­dy.
Klas­te­riň önüm­çi­lik des­ga­la­ry hä­zir­ki za­man teh­no­lo­gi­ýa­la­ry, ýo­ka­ry aras­sa­lyk şert­le­ri hem-de hal­ka­ra stan­dart­la­ry­na la­ýyk gö­zeg­çi­lik ul­gam­la­ry bi­len üp­jün edi­len­dir. Bu bol­sa önüm­le­riň hi­li­ni we howp­suz­ly­gy­ny üp­jün et­mek­de mö­hüm şert bo­lup hyz­mat ed­ýär. Bu ça­ga iý­mit­le­ri­niň dü­zü­mi wi­ta­min­ler we mak­ro-mik­ro ele­ment­ler bi­len baý­laş­dy­ry­lan bo­lup, ola­ryň sag­dyn nes­li ös­dü­rip ýe­tiş­dir­mek­de or­ny örän ulu­dyr. Eko­lo­gi­ýa taý­dan aras­sa ýer­li çig mal­lar­dan ön­dü­ril­ýän bu önüm­ler di­ňe bir içer­ki ba­zar­da däl, eý­sem, da­şa­ry ýurt­lar­da hem uly is­leg bi­len sa­tyn alyn­ýar. Bu bol­sa, türk­men önüm­çi­li­gi­niň ýo­ka­ry hi­li we dün­ýä ba­zar­la­ryn­da­ky bäs­deş­li­ge ukyp­ly­dy­gy ba­ra­da aý­dyň su­but­na­ma­dyr.
Ça­ga iý­mit­le­ri­niň ön­dü­ri­li­şin­de hal­ka­ra stan­dart­la­ry­na la­ýyk­lyk­da bir­nä­çe bas­gan­çak­la­ýyn bar­lag ul­ga­my he­re­ket ed­ýär. Önüm­le­riň her tap­gy­ry bak­te­rio­lo­gik, mik­ro­bio­lo­gik we hi­mi­ki sy­nag­lar­dan ge­çi­ril­ýär. Şeý­le-de al­ler­gik how­py azalt­mak mak­sa­dy bi­len ýö­ri­te luk­man­çy­lyk bar­lag­la­ry ýe­ri­ne ýe­ti­ril­ýär.
«Ar­ka­dag Me­di­si­na Klas­te­ri Me­nej­ment» kär­ha­na­syn­da ön­dü­ril­ýän ça­ga iý­mit­le­ri döw­le­ti­mi­ziň sag­dyn we be­den taý­dan berk nes­li ke­ma­la ge­tir­mek bo­ýun­ça alyp bar­ýan sy­ýa­sa­ty­nyň üs­tün­lik­li ama­la aşy­ryl­ýan­dy­gy­nyň aý­dyň su­but­na­ma­sy­dyr.
Önüm­le­riň ýo­ka­ry hi­li, hal­ka­ra öl­çeg­le­ri­ne la­ýyk­ly­gy we yg­ty­bar­ly­ly­gy Türk­me­nis­ta­nyň hä­zir­ki za­man önüm­çi­lik kuw­wa­ty­nyň ösü­şi hem-de ýaş nes­liň sag­ly­gy­na go­ýul­ýan uly ün­süň aý­dyň be­ýa­ny bo­lup dur­ýar.
Ça­ga iý­mit önüm­le­ri­ne bil­di­ril­ýän ta­lap­lar – jem­gy­ýe­tiň iň wa­jyp bö­le­gi bo­lan ça­ga­la­ryň sag­ly­gy­ny go­ra­mak üçin mö­hüm äh­mi­ýe­te eýe­dir. Bu ta­lap­lar di­ňe teh­ni­ki me­se­le bol­man, eý­sem, jem­gy­ýe­tiň sag­dyn gel­je­gi­ni üp­jün ed­ýän ýö­rel­ge hök­mün­de ka­bul edil­me­li­dir.

Bahargül ANNALYÝEWA,
Kaka etrabynyň Arassaçylyk we keselleriň ýaýramagyna garşy göreşmek gullugynyň
arassaçylyk-gigiýena bölüminiň sanitariýa lukmany.

Gyzykly bolup bilerЕЩЕ ОТ АВТОРА