19-njy okt­ýabr­da hor­mat­ly Pre­zi­den­ti­miz Gurbanguly Berdimuhamedow «Lu­koýl» açyk paý­dar­lar jem­gy­ýe­ti­niň ýol­baş­çy­sy Wa­git Alek­pe­ro­wy we «Rö­ne­sans Hol­ding» türk kom­pa­ni­ýa­sy­nyň mü­di­ri­ýe­ti­niň baş­ly­gy Er­man Yly­ja­gy ka­bul et­di.

«Lu­koýl» açyk paý­dar­lar jem­gy­ýe­ti­niň ýol­baş­çy­sy mil­li Li­de­ri­mi­ze wagt ta­pyp ka­bul eden­di­gi hem-de hyz­mat­daş­ly­gyň gel­je­gi uly ugur­la­ry­ny ara alyp mas­la­hat­laş­ma­ga dö­re­di­len müm­kin­çi­lik üçin tüýs ýü­rek­den ho­şal­lyk bil­di­rip, Rus­si­ýa­nyň işe­wür to­par­la­ry­nyň, hu­su­san-da, ýol­baş­çy­lyk ed­ýän ne­bit kom­pa­ni­ýa­sy­nyň ýur­du­myz bi­len öza­ra bäh­bit­li hyz­mat­daş­ly­gy pug­ta­lan­dyr­ma­ga uly gy­zyk­lan­ma bil­dir­ýän­di­gi­ni tas­syk­la­dy. Myh­man şeý­le hem döw­let Baştu­ta­ny­my­zy Türk­me­nis­ta­nyň Ga­raş­syz­ly­gy­nyň 30 ýyl­ly­gy bi­len gut­la­dy we mil­li Li­de­ri­mi­ze eziz Wa­ta­ny­my­zyň hem-de mäh­ri­ban hal­ky­my­zyň aba­dan­çy­ly­gy­nyň bäh­bi­di­ne alyp bar­ýan giň möç­ber­li iş­le­rin­de tä­ze üs­tün­lik­le­ri ar­zuw et­di.

Hor­mat­ly Pre­zi­den­ti­miz gut­lag söz­le­ri üçin min­net­dar­lyk bil­di­rip, däp bo­lan dost­luk­ly hem-de ne­ti­je­li türk­men-rus gat­na­şyk­la­ry­nyň ös­dü­ril­ýän­di­gi­ni ka­na­gat­lan­ma bi­len bel­le­di. Şu­nuň bi­len bag­ly­lyk­da, mil­li Li­de­ri­miz Türk­me­nis­ta­nyň iş­jeň gat­na­şyk­lar, şol san­da ýan­gyç-ener­ge­ti­ka top­lu­myn­da hyz­mat­daş­lyk üçin he­mi­şe açyk­dy­gy­ny aýt­dy. Şu ul­gam­da ägirt uly se­riş­de­ler we yk­dy­sa­dy kuw­wa­tyň bar­dy­gy nyg­tal­dy.

Du­şu­şy­gyň do­wa­myn­da iki­ta­rap­la­ýyn hyz­mat­daş­ly­gyň mö­hüm ugur­la­ry bo­ýun­ça pi­kir al­şyl­dy. Ýur­du­my­zyň dur­mu­şa ge­çir­ýän top­lum­la­ýyn ener­ge­ti­ka stra­te­gi­ýa­sy şol hyz­mat­daş­ly­gyň ös­dü­ril­me­gi üçin oňaý­ly şert­le­ri dö­red­ýär. Ne­bit­gaz pu­da­gy­ny düýp­li döw­re­bap­laş­dyr­mak, onuň ýan­gyç se­riş­de­le­ri­ni çy­kar­ýan hem-de gaý­ta­dan iş­le­ýän kuw­wat­lyk­la­ry­ny art­dyr­mak, ma­ýa go­ýum işi­ni hö­wes­len­dir­mek, da­şa­ry ýurt­ly hyz­mat­daş­lar bi­len iri dü­züm­le­ýin tas­la­ma­la­ry dur­mu­şa ge­çir­mek, türk­men ener­gi­ýa se­riş­de­le­ri­niň dün­ýä ba­zar­la­ry­na ibe­ril­ýän ugur­la­ry­ny di­wer­si­fi­ka­si­ýa ýo­ly bi­len ös­dür­mek şol hyz­mat­daş­ly­gyň esa­sy ugur­la­ry bo­lup dur­ýar.

Ha­zar se­bi­ti­niň ýan­gyç se­riş­de­le­ri­ni öz­leş­dir­mek ara alyp mas­la­hat­laş­ma­la­ryň esa­sy me­se­le­le­ri­niň bi­ri bol­dy. Bu ba­bat­da hu­kuk ka­da­la­ry­na esas­lan­ýan yla­la­şyk­ly hal­ka­ra gat­na­şyk­la­ry ýo­la goý­mak hem-de bi­rek-bi­re­giň bäh­bit­le­ri­ni hor­mat­la­mak ýö­rel­ge­le­ri mö­hüm äh­mi­ýe­te eýe­dir.

Şu­nuň bi­len bag­ly­lyk­da, şu ýy­lyň ýan­war aýyn­da gol çe­ki­len Ha­zar deň­zin­de «Dost­luk» ýa­ta­gy­nyň ug­le­wo­do­rod se­riş­de­le­ri­ni bi­le­lik­de göz­le­mek, iş­läp geç­mek hem-de öz­leş­dir­mek ha­kyn­da Türk­me­nis­ta­nyň we Azer­baý­jan Res­pub­li­ka­sy­nyň Hö­kü­met­le­ri­niň ara­syn­da öza­ra dü­şü­niş­mek ba­ra­da­ky Äht­na­ma ne­ti­je­li hyz­mat­daş­lyk üçin tä­ze müm­kin­çi­lik­le­ri aç­ýar.

Myh­man hor­mat­ly Pre­zi­den­ti­mi­ze «Lu­koýl» açyk paý­dar­lar jem­gy­ýe­ti­niň ýur­du­myz­da alyp bar­ýan iş­le­ri, şol san­da Ha­zar­da tas­la­ma­la­ry dur­mu­şa ge­çir­me­giň bar­şy ba­ra­da ha­sa­bat be­rip, mun­dan beý­läk-de hyz­mat­daş­lyk et­mä­ge gy­zyk­lan­ma bil­dir­ýän­di­gi­ni ýe­ne-de bir ge­zek nyg­ta­dy. Kom­pa­ni­ýa­nyň ýol­baş­çy­sy bil­di­ri­len ynam üçin döw­let Baş­tu­ta­ny­my­za tüýs ýü­rek­den ho­şal­lyk bil­dir­di hem-de rus­si­ýa­ly hyz­mat­daş­la­ryň Türk­me­nis­tan­da ama­la aşy­ryl­ýan giň möç­ber­li pu­dak­la­ýyn mak­sat­na­ma­la­ra iş­jeň gat­naş­ma­ga gy­zyk­lan­ma­la­ry­ny tas­syk­la­dy.

Şu­nuň bi­len bag­ly­lyk­da, mil­li Li­de­ri­mi­ziň ba­şy­ny baş­lan öň­den­gö­rü­ji­lik­li sy­ýa­sa­ty­nyň, türk­men ba­za­ryn­da dö­re­di­len amat­ly ma­ýa go­ýum ýag­da­ýy­nyň hem-de yg­ty­bar­ly hu­kuk bin­ýa­dy­nyň dö­re­dil­me­gi­niň ug­le­wo­do­rod ýa­tak­la­ry­ny öz­leş­dir­mek üçin da­şa­ry ýurt ma­ýa­la­ry­ny çek­mä­ge, ugur­daş dü­zü­miň gur­lu­şy­gy­na ýar­dam ed­ýän­di­gi bel­le­nil­di. «Lu­koýl» açyk paý­dar­lar jem­gy­ýe­ti­niň ýol­baş­çy­sy kom­pa­ni­ýa­nyň mun­dan beý­läk-de öz üs­tü­ne alan borç­na­ma­la­ry­ny ýe­ri­ne ýe­tir­mä­ge örän jo­gap­kär­li çe­me­leş­jek­di­gi­ne ynan­dyr­dy.

Mil­li Li­de­ri­miz Türk­me­nis­ta­nyň ägirt uly ener­ge­ti­ka kuw­wa­tyn­dan umu­my aba­dan­çy­ly­gyň bäh­bi­di­ne ne­ti­je­li peý­da­lan­ma­ga ça­lyş­ýan­dy­gy­ny bel­läp, ne­bit­gaz ul­ga­my­ny san­ly­laş­dyr­ma­ga, pu­da­ga eko­lo­gi­ýa taý­dan aras­sa in­no­wa­si­on teh­no­lo­gi­ýa­la­ry hem-de yl­my-teh­ni­ki ösü­şiň iň go­wy ga­za­nan­la­ry­ny or­naş­dyr­ma­ga uly äh­mi­ýet ber­ýän­di­gi­ni nyg­ta­dy. Bu ba­bat­da da­şa­ry ýurt­la­ryň, şol san­da rus kom­pa­ni­ýa­la­ry­nyň öň­de­ba­ry­jy tej­ri­be­si ne­ti­je­li ula­ny­lyp bil­ner. Rus­si­ýa­nyň kom­pa­ni­ýa­la­ry bi­len öň­den bä­ri hyz­mat­daş­lyk gat­na­şyk­la­ry ýo­la go­ýul­dy.

Du­şu­şy­gyň ahy­ryn­da hormatly Prezidentimiz we «Lu­koýl» açyk paý­dar­lar jem­gy­ýe­ti­niň ýol­baş­çy­sy Wa­git Alek­pe­row bi­rek-bi­re­ge iň go­wy ar­zuw­la­ry­ny be­ýan edip, öza­ra bäh­bit­li­lik hem-de uzak möh­let­le­ýin esas­da iki­ta­rap­la­ýyn hyz­mat­daş­ly­gyň üs­tün­lik­li do­wam et­di­ril­jek­di­gi­ne ynam bil­dir­di­ler.

* * *

«Rö­ne­sans Hol­ding» kom­pa­ni­ýa­sy­nyň ýol­baş­çy­sy du­şuş­ma­ga wagt ta­pan­dy­gy hem-de öza­ra söh­bet­deş­lik­de iki­ta­rap­la­ýyn bäh­bit­li hyz­mat­daş­ly­gyň bir­nä­çe wa­jyp ugur­la­ry­ny ara alyp mas­la­hat­laş­ma­ga dö­re­di­len müm­kin­çi­lik üçin ho­şal­lyk bil­dir­di we pur­sat­dan peý­da­la­nyp, mil­li Li­de­ri­mi­zi, äh­li türk­men hal­ky­ny döw­let Ga­raş­syz­ly­gy­nyň şan­ly 30 ýyl­lyk se­ne­si bi­len gut­la­dy hem-de be­lent hal­ka­ra ab­ra­ýa eýe bo­lan Türk­me­nis­ta­nyň Ber­ka­rar döw­le­ti­mi­ziň bag­ty­ýar­lyk döw­rü­niň be­lent mak­sat­la­ry­na ta­rap mun­dan beý­läk-de ok­gun­ly öňe git­me­gi­ni ar­zuw et­di.

Türk­me­nis­tan­da iş­le­ýän 12 ýy­lyn­da «Rö­ne­sans Hol­din­ge» bir­nä­çe mö­hüm dü­züm­le­ýin des­ga­la­ryň gur­lu­şy­gy yna­nyl­dy. Şol des­ga­la­ryň ha­ta­ryn­da ýa­pon hyz­mat­daş­lar bi­len bi­le­lik­de dur­mu­şa ge­çi­ri­len «Ma­ry­kar­ba­mid» za­wo­dy­nyň, Ahal we­la­ýa­tyn­da te­bi­gy gaz­dan sin­te­ti­ki ben­zin ön­dür­ýän za­wo­dyň, Çär­jew et­ra­byn­da­ky se­bit­de de­ňi-ta­ýy bol­ma­dyk elekt­rik stan­si­ýa­sy­nyň tas­la­ma­la­ry bar. Nyg­ta­ly­şy ýa­ly, kom­pa­ni­ýa ro­waç­lyk we gül­läp ösüş ýo­lun­dan ynam­ly bar­ýan Türk­me­nis­tan bi­len ýo­la goý­lan hyz­mat­daş­lyk gat­na­şyk­la­ry­nyň ýo­ka­ry ne­ti­je­li­di­gi­ne tüýs ýü­rek­den buý­san­ýar.

Döw­let Baş­tu­ta­ny­myz «Rö­ne­sans Hol­ding» kom­pa­ni­ýa­sy­nyň ýol­baş­çy­sy­na gut­lag­la­ry üçin min­net­dar­lyk bil­di­rip, da­şa­ry ýurt­la­ryň öň­de­ba­ry­jy işe­wür­li­gi­niň, şol san­da türk işe­wür to­par­la­ry­nyň we­kil­le­ri­ni iş­jeň çek­me­giň Türk­me­nis­ta­nyň ama­la aşyr­ýan dur­muş-yk­dy­sa­dy ösüş stra­te­gi­ýa­sy­nyň ile­ri tu­tul­ýan ugur­la­ry­nyň bi­ri­di­gi­ni bel­le­di. Şol stra­te­gi­ýa mil­li yk­dy­sa­dy­ýe­ti­mi­ziň äh­li pu­dak­la­ry­ny döw­re­bap­laş­dyr­ma­ga hem-de dün­ýä­niň iň oňat tej­ri­be­si­ni we öň­de­ba­ry­jy teh­no­lo­gi­ýa­la­ry­ny or­naş­dyr­ma­ga gö­nük­di­ri­len­dir.

Du­şu­şy­gyň do­wa­myn­da Er­man Yly­jak hor­mat­ly Pre­zi­den­ti­mi­ze tä­ze tas­la­ma­la­ryň we tek­lip­le­riň iş­le­ni­lip taý­ýar­la­ny­lan­dy­gy ba­ra­da ha­sa­bat be­rip, ýo­la goý­lan oňyn hyz­mat­daş­ly­gy yzy­gi­der­li pug­ta­lan­dyr­ma­gy mak­sat edin­ýän­di­gi­ni aýt­dy.

Mil­li Li­de­ri­miz uzak möh­let­le­ýin hyz­mat­daş­ly­gyň gel­je­gi­ni ara alyp mas­la­hat­laş­mak bi­len bag­ly­lyk­da, türk­men ta­ra­py­nyň esa­sy we hök­ma­ny ta­lap­la­ry­na işe­wü­riň ün­sü­ni çek­di. Şol ta­lap­lar gur­lu­şy­gyň al­nyp bar­ly­şy­nyň ter­ti­bi­ni hem-de des­ga­la­ry ulan­ma­ga tab­şyr­ma­gyň şert­na­ma­da bel­le­ni­len möh­let­le­ri­ni pug­ta ber­jaý et­mek­den yba­rat­dyr. Şun­da hem­me iş­le­riň ýo­ka­ry hil de­re­je­sin­de, hä­zir­ki za­man şä­her gur­lu­şy­gy­nyň ka­da­la­ry­na la­ýyk­lyk­da al­nyp ba­ryl­ma­ly­dy­gy nyg­tal­dy.

Işe­wür döw­let Baş­tu­ta­ny­myz ta­ra­pyn­dan ba­şy baş­la­nan türk­men döw­le­ti­niň kuw­wa­ty­ny we ab­ra­ýy­ny pug­ta­lan­dyr­ma­ga gö­nük­di­ri­len giň ge­rim­li öz­gert­me­ler mak­sat­na­ma­la­ry­ny dur­mu­şa ge­çir­mä­ge «Rö­ne­sans Hol­din­giň» gel­jek­de-de gat­naş­ma­ga uly gy­zyk­lan­ma bil­dir­ýän­di­gi­ni be­ýan edip, ýol­baş­çy­lyk ed­ýän kom­pa­ni­ýa­sy­nyň öz üs­tü­ne alan şert­na­ma­la­ýyn borç­na­ma­la­ry­ny ta­kyk hem-de bir­kem­siz ýe­ri­ne ýe­tir­mek üçin mun­dan beý­läk-de äh­li ta­gal­la­la­ry­ny et­jek­di­gi­ne ynan­dyr­dy.

Gyzykly bolup bilerЕЩЕ ОТ АВТОРА