Parižiň “Park de Prens” stadionynda 7-nji tapgyryň iň esasy duşuşygy oýnaldy. Çempionlyga ymtylýan iki klubuň – PSŽ bilen “Mançester Sitiniň”, şol sanda iki ispan tälimçisi – Luis Enrike bilen Pep Guardiolanyň arasyndaky bu duşuşyk taryhy kembek bilen tamamlandy.

1-nji ýarymy golsuz tamamlanan oýnuň 2-nji ýarymy ýatdan çykmajak wakalara baý boldy. Oýnuň 50-nji minutynda Jäk Griliş myhmanlary öňe saýlasa, 3 minutdan soň Erling Holann hasaby 2-0-a ýetirdi. Ýöne Usman Dembeleniň oýna girmegi bilen hüjümlerde öňe çykyp başlan PSŽ dessine jogap gollaryny geçirdi. 56-njy minutda Dembele, 60-njy minutda-da Barkola tapawutlanyp, hasap deňlendi. 10 minutda geçirilen 4 gol, duşuşygyň şowhunyny hasam artdyrdy. 78-nji minutda Neweş parižlileri öňe saýlady. 90+3-nji minutda-da Ramuş oýna soňky nokady goýdy we PSŽ 2-0-dan 4-2 hasabynda ýeňiş gazanmagy başardy.

Bu ýeňişden soň PSŽ bilen “Mançester Siti” orunlaryny çalyşdylar. Ýagny PSŽ 22-nji orna beýgeldi, “Siti” 25-nji orna düşdi.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА