Angliýanyň çempionatynda 18-nji tapgyrda çempionlyk ugrunda göreş alyp barýan iki topar Çelsi hem-de Liwerpul utuk ýitgisine sezewar boldy. Tapgyryň merkezi oýnunda Liwerpul myhmançylykda köp wagtda bäri oýun geçirip bilmeýän Tottenham bilen duşuşdy. Çekeleşikli hem-de dartgynly geçen oýun 2-2 deňlikde tamamlandy. Tottenhamyň gollaryny Harri Keýn (13) bilen Hyn Min Son (74)  geçirdi. Liwerpuluň gollaryny-da Diogo Žota (35) bilen Andrýuw Robertson (69) geçirdi. Oýnuň 77-nji minutynda bir gol geçirip, beýleki goluň hem pasyny beren Andrýuw Robertson VAR-yň kömegi esasynda gyzyl kart alyp, meýdançada çykaryldy. Duşuşyk 2-2 deňlikde tamamlandy. Çempionatda myhmançylykda Tottenhamy soňky 3 oýunda ýeňen Liwerpulyň umumylykda 8 oýundan bäri dowam edýän ýeňişli ýörişi tamamlandy.

Myhmançylykda Wulwerhempton bilen golsuz deňme-deň oýnan Çelsi bassyr 2-nji duşuşygynda 2 utuk ýitirdi. Çelsi çempionatda soňky 4 oýunda diňe 1 gezek ýeňiş gazandy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА