Fransiýanyň Prezidenti Emmanuel Makron, Sebastýan Lekornýuny işinden çekilenden birnäçe gün soň Premýer-ministr wezipesine belledi. Ýeliseý köşgi tarapyndan ýaýradylan maglumatlara görä, Makron Lekornýuny täzeden belledi we oňa täze hökümet gurmagy tabşyrdy.
Fransiýanyň Prezidenti Ýeliseý köşgünde parlamentdäki syýasy partiýalaryň wekilleri bilen dowam edýän hökümet çökgünligini ara alyp maslahatlaşmak üçin ýygnak geçirdi. Duşuşyga aşa sagçy «Milli bileleşigiň» (RN) we çepçi «Ýanbermez Fransiýa» (LFI) partiýalarynyň wekilleri çagyrylmady.
Merkezi sagçy syýasatçy Mişel Barneniň hökümeti bary-ýogy üç aý dowam etdi we 2025-nji ýylyň býujeti baradaky düşünişmezlikler sebäpli ynamsyzlyk sesi berlenden soň, 2024-nji ýylyň 4-nji dekabrynda işinden çekildi.
Makron 2024-nji ýylyň 13-nji dekabrynda Fransua Baýruny Premýer-ministr wezipesine belledi. Döwlet karzy sebäpli çynlakaý kynçylyklara duçar bolan ýurtda býujet ara alyp maslahatlaşmalary hökümet bilen partiýalaryň arasyndaky esasy düşünişmezlige öwrüldi.
Baýru ozal 2026-njy ýyldaky býujet ses berişliginden öň, hökümete bolan ynam sesini orta atmak isleýändigini mälim etdi. Bu resminama, käbir dynç alyş günlerini ýatyrmak arkaly, takmynan, 43 milliard ýewro tygşytlamagy göz öňünde tutýar.
Baýrunyň Kabineti 8-nji sentýabrda ynam sesini alyp bilmedi, şondan soň Makron 9-njy sentýabrda Goranmak ministri Sebastýan Lekornýuny Premýer-ministr wezipesine belledi. Lekornýu 5-nji oktýabrda täze hökümet gurdy, ýöne jemgyýetiň nägileligi sebäpli ertesi gün işinden çekilipdi.

Gyzykly bolup bilerЕЩЕ ОТ АВТОРА