Angliýanyň “Mançester Siti” toparynyň Fransiýanyň “Lans” klubundan özbegistanly goragçy Abdukodir Husanowy transfer edendigi resmi ýagdaýda mälim edildi. Iňlis kluby 20 ýaşyndaky oýunçy bilen 2029-njy ýylyň tomsuna çenli şertnama baglaşar. Oýunçynyň transfer bahasy 40 million ýewro bolup, iňlis kluby goşmaça tölegler hem eder.

Bahasy 1,5 ýylda 400 esse ýokarlandy

“Bunýodkoryň” ýaşlar düzüminde futbola başlan Abdukodir Husanow 2022-nji ýylyň martynda Belarusyň “Energetik-BGU” toparyna transfer bolupdy. “Lans” topary bolsa ony 2023-nji ýylyň iýulynda 100 müň ýewro öz düzümine goşupdy. Husanow “Lansda” umumylykda 31 duşuşyk geçirdi. Ol Özbegistanyň milli toparynda-da 18 gezek meýdança çykdy.

Husanow “Premier Ligada” çykyş etjek ilkinji özbegistanly futbolçy bolar. Husanow täze klubunda 45-nji belgili köýnekçäni geýer.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА