Şu gün «Awaza» milli syýahatçylyk zolagyndaky Kongresler merkezinde Özbegistanyň paýtagty Daşkentde geçiriljek Merkezi Aziýa döwletleriniň Baştutanlarynyň ýedinji  konsultatiw duşuşygyna  taýýarlyk görülmegine  bagyşlanan çäre geçirildi. Oňa Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow başlyklyk etdi.

Türkmen halkynyň Milli Lideri ýokary derejeli myhmanlary, döwlet Baştutanlaryny mähirli garşylady.

Gahryman Arkadagymyz çäräni açmak bilen,  Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatyna gatnaşmaga çakylygy kabul edendikleri üçin hemmelere minnetdarlyk bildirdi. Şeýle-de Merkezi Aziýa döwletleriniň Baştutanlarynyň şu duşuşygyna gatnaşýandyklary üçin hemmelere hoşallyk beýan edildi.

Bellenilişi ýaly, Merkezi Aziýa döwletleriniň Baştutanlarynyň soňky ýyllarda geçirilen  konsultatiw duşuşyklary sebitiň ýurtlarynyň hyzmatdaşlygynyň ösdürilmegine we onuň uzak möhletleýin geljege gönükdirilen ileri tutulýan ugurlaryny kesgitlemäge goşant goşýan format hökmünde öz netijeliligini görkezdi.

Gyzykly bolup bilerЕЩЕ ОТ АВТОРА