Italiýanyň “Ýuwentus” topary amerikaly oýunçysy Timoti Wea 2 ýyldan soň ýene-de Fransiýanyň çempionatyna dolandy. 25 ýaşyndaky winger täze möwsümi “Ligue 1”-iň “Marsel” toparynda kärendesine geçirer. Möwsümiň ahyrynda fransuz kluby Weany 18 million ýewro ymykly düzümine geçirip biler. Ozalky ýyldyz oýunçylardan, “Altyn top” baýragyny gazanan ilkinji afrikaly futbolçy, Liberiýanyň ozalky Prezidenti Jorj Weanyň ogly bolan Timoti Wea PSŽ-de futbola başlap, ýarym möwsüm “Seltikde”, 4 möwsüm “Lillde”, 2 möwsüm “Ýuwentusda” oýnady. Ol italýan klubunda 78 duşuşykda 7 gol geçirdi. ABŞ-nyň milli ýygyndysynyň köýnekçesini geýýän Wea 44 oýunda meýdança çykdy (7 gol).

Gyzykly bolup bilerЕЩЕ ОТ АВТОРА