ABŞ-nyň çempionaty MLS-de “Inter Maýami” bilen “San Diego” toparlary duşuşyp, oýun 2-2 hasabynda deňlikde tamamlandy. Duşuşykda “Inter Maýaminiň” gollaryny Lionel Messi (24) bilen Luis Suares (74) geçirdi. Myhmançylykda “San Diego” toparynyň gollaryny bolsa Anders Dreýer (12, 82) öz adyna ýazdyrdy.

Super ýyldyz Lionel Messi özüniň goluny jerime urgusyndan geçirdi. Bu onuň karýerasy boýunça jerime urgusyndan geçiren 75-nji goly boldy. Şeýlelikde, Messi futbolyň taryhynda jerime urgusyndan iň köp gol geçiren futbolçylaryň sanawynda 2-nji ýere geçdi. 39 ýaşyndaky Messi braziliýaly Žairden öňe saýlandy. Bu ugurda Messiniň öňünde diňe 1 futbolçy galdy. Ol hem başga braziliýaly futbolçy Marselinio Karioko bolup, onuň jerime urgusyndan geçiren 78 goly bar. Başgaça aýdylanda, Messi ýene-de 4 gol geçirse, taryhy bu rekordyň hem eýesi bolar. Messi bu sanawda 5 sany brazil futbolçysyny yzda galdyrmagy başardy. Ähli görkezijilerde Messi bilen deňeşdirilýän Kristiano Ronaldonyň häzirki wagtda jerime urgusyndan 65 goly bar.

Umumylykda, Lionel Messiniň geçiren şol goly onuň karýerasyndaky 930-njy gol hökmünde hasaba alyndy.

 

Jerime urgusyndan iň köp gol geçiren 10 futbolçy:

Marselinio Karioko (Braziliýa) – 78 gol

Lionel Messi (Argentina) – 75 gol

Žair Rosa Pinto (Braziliýa) – 74 gol

Roberto Dinamite (Braziliýa) – 73 gol

Juninio Pernambukano (Braziliýa) – 72 gol

Markos Assunsao (Braziliýa) – 68 gol

Sinişa Mihailowiç (Serbiýa) – 67 gol

Horge Arawena (Çili) – 65 gol

Kristiano Ronaldo (Portugaliýa) – 65 gol

Ziko (Braziliýa) – 62 gol

Gyzykly bolup bilerЕЩЕ ОТ АВТОРА