Italiýanyň çempionaty “Serie A”-da Super Kubok sebäpli 19-njy tapgyryň galdyrylan duşuşyklarynyň 2-si geçirildi. Ýene biri bolsa şu gije oýnalar.

“Milan myhmançylykda “Komo” bilen duşuşyp, täze tälimçisiniň çempionatdaky 2-nji duşuşygynda kynlyk bilenem bolsa ýeňiş gazanmagy başardy. 1-nji ýarymy golsuz tamamlanan oýnuň 60-njy minutynda ýer eýeleri Diaonyň goly bilen öňe saýlandy. Ýöne 71-nji minutda Teo Hernandes hasaby deňledi. Bu goldan 5 minut soňam Rafael Leao ýeňiş goluny geçirdi. 2-1 hasabynda ýeňiş gazanan “Milan” 1 oýny kem 31 utuk bilen 7-nji orna beýgeldi.

“Milanyň” iň köp gol geçiren goragçysy

Duşuşykda “Milanyň” hasaby deňlän goluny geçiren Teo Hernandes italýan klubunda geçiren pökgüleriniň sany 30-a ýetdi. Şeýlelikde, ol rowaýaty Paolo Maldiniden öňe geçip (29 gol), “Milanyň” iň köp gol salan goragçysy boldy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА