“Milan” “San Siroda” soňky minutlarda ýeňlişden halas boldy

Italiýanyň çempionatynda sanawyň lideri “Milana” öz meýdançasynda ýokary liga şu möwsüm çykan we iň aşaky orunda barýan “Pisa” toparyna ýeňmek başartmady. Çekeleşikli geçen oýunda “Milan” 7-nji minutda Rafael Leaonyň goly bilen hasaby açdy. Oýnuň 60-njy minutynda kolumbiýaly meşhur futbolçy Kuadrado penaltini dürs urup, hasaby deňledi. Duşuşygyň 86-njy minutynda bolsa myhmanlar Nzolanyň goly bilen öňe saýlandy. 76-njy minutda oýna giren Atekame duşuşyk tamamlanmanka, has takygy, 90+3-nji minutdan tapawutlanyp, toparyny ýeňlişden halas etdi. Şunlukda, “Milan” utugyny 17-ä çykaryp, liderligini elden gidermek howpy bilen ýüzbe-ýüz galdy. Entek ýeňiş gazanyp görmedik “Pisa” bolsa 4-nji gezek deňme-deň oýnady.