UEFA Çempionlar Ligasynda 8-nji tapgyryň çäginde öz meýdançasynda 1 oýunçy kem galan “Milany” 2-1 hasabynda ýeňen “Dinamo Zagrebe” bu ýeňşi ilkinji 24 toparyň arasyna goşulmagy üçin ýeterlik bolmady. Sebäbi öz meýdançasynda “Bolonýa” bilen duşuşan “Sporting” hasaby deňledi. 1-1 hasabynda deňlikde tamamlanan bu duşuşygyň netijesi “Sportingi” pleý-offda alyp galan bolsa, zagreblileri ýaryşdan çykardy. Bu netije ilkinji 24 toparyň arasynda iň soňky orunlary eýeläp goşulan toparlaryň ykbalyny kesgitledi. “Milan” 7-nji oýunlardan soň 6-njy orny eýeleýärdi. Emma Horwatiýada Fabio Kannawaronyň tälimçiligindäki klubdan utulanyndan soň, 13-nji orna düşdi. PSŽ Usman Dembeleniň het-trik eden duşuşygynda “Ştutgartdan” 4-1 hasabynda üstün çykyp, 22-nji orundan 15-nji orna geçdi, hemem “Ştutgarty” ýaryşdan çykardy.

Soňky duşuşyklarynda-da utulan “Slowan Bratislawa” bilen “Ýang Boýz” toparlary ýaryşy utuksyz tamamladylar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА