Angliýanyň çempionatynda 20-nji tapgyrda “Mançester Siti” myhmançylykda “West Bromwiç Albiondan” 5–0 üstün çykdy. Duşuşykda ýeňiş gazanan toparyň gollaryny Gündogan (6, 30), Kanselo (23), Mahrez (45+2), Sterling (57) derwezä girizdi. Bu ýeňişden soň “Mançester Siti” sanawyň birinji basgançagyna çykdy. Şunlukda, şu möwsümde 9-njy topar sanawyň birinji ornuna çykmagy başardy. Şeýle waka “Premier liganyň” taryhynda ilkinji gezek duş gelinýär. Şu möwsümde “Arsenal”, “Ewerton”, “Lester Siti”, “Liwerpul”, “Southempton”, “Tottenham”, “Çelsi” hem-de “Mançester Ýunaýted” sanawda bir günlük hem bolsa birinji orna çykypdy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА