Angliýanyň çempionaty “Premeir Liganyň” soňky 4 ýylynyň çempiony “Mançester Siti” özbegistanly ýaş goragçy Abdukodir Husanowy düzümine goşmagyň bosagasynda. Bu barada italiýaly meşhur žurnalist Fabrizio Romana habar berýär. “Mançester Siti” 20 ýaşyndaky Husanow üçin fransuz kluby “Lansa” 40 million ýewro tölär. Bu mukdara goşmaça tölegler hem goşular. Şäherliler Husanow bilen 4,5 ýyllyk şertnama baglaşar. Transferiň ýakyn wagtda resmi ýagdaýda hem mälim edilmegine garaşylýar.

1,5 ýyl öň 100 müň ýewro transfer edipdi

“Bunýodkoryň” ýaşlar düzüminde futbola başlan Abdukodir Husanow 2022-nji ýylyň martynda Belarusyň “Energetik-BGU” toparyna transfer bolupdy. “Lans” topary bolsa ony 2023-nji ýylyň iýulynda 100 müň ýewro öz düzümine goşupdy. Husanow “Lansda” 24 duşuşyk geçirdi. Ol Özbegistanyň milli toparynda-da 18 gezek meýdança çykdy.

Husanow “Premier Ligada” çykyş etjek ilkinji özbegistanly futbolçy bolar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА