Ispaniýanyň çempionatynda sanawyň lideri üýtgedi. Ähli ýaryşlardaky bassyr 15 ýeňişden soň “Leganesden” Nastasiçiň ýeke-täk goly esasynda utulan “Atletiko Madrid” 2-nji orna düşdi. “Leganes” şu möwsümde “Barselonany” hem ýeňipdi (myhmançylykda). Öz meýdançasynda “Las Palmasy” 4-1 hasabynda ýeňen Real 1-nji orna dolandy. 27-nji sekuntda (“La Ligada” möwsümiň iň çalt goly) gol geçirden “Real Madrid” 1-nji ýarym tamamlanmanka Mbappeniň hem-de Braim Diazyň gollary esasynda hasaby 3-1-e ýetirdi. 57-nji minutda tapawutlanan Rodrigo oýna soňky nokady goýdy. “Barselona” myhmançylykda “Hetafe” bilen 1-1 hasabynda deňme-deň oýnady. “Barselona” topary “Hetafeni” bassyr 5 möwsümden bäri myhmançylykda ýeňip bilmän gelýär. “Betis” öz meýdançasynda “Alawesden” 3-1 hasabynda asgyn gelip, myhmanlaryň 3 goluny-da Kike Garsiýa geçirdi. “Real Sosiedady” Hugo Duronyň ýeke-täk goly bilen ýeňen “Walensiýa” 7 oýundan soň ýeňiş gazanmagyň hötdesinden geldi.

Espanýol – Walýadolid: 2-1 (Puado 31, Fernandes 74 – Hawi Sançes 57),

Žirona – Sewilýa: 1-2 (Martines 36 – Saul 59, Lukebakio 88),

Leganes – Atletiko: 1-0 (Nastasiç 49),

Betis – Alawes: 1-3 (Rodriges 28 – Kike Garsiýa 11 p, 80, 84),

Hetafe – Barselona: 1-1 (Arambarri 34 – Kunde 9),

Selta – Atletik: 1-2 (Alwares 74 – Berenger 62, Wiwian 71),

Real Madrid – Las Palmas: 4-1 (Mbappe 18 p, 36, Diaz 33, Rodrigo 57 – Fabio Silwa 1),

Osasuna – R. Wallekano: 1-1 (Raul Garsiýa 59 – Kamelio 19),

Walensiýa – R. Sosiedad: 1-0 (Duro 26),

Wilýarreal – Malýorka (şu gije)

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА