Ispaniýanyň çempionatynda “Barselona” myhmançylykda “Malýorka” bilen duşuşyp, garşydaşyny 3-0 hasabynda ýeňlişe sezewar etdi. Duşuşykda gollary Rafinýa (7), Torres (23) hem-de 10-njy belginiň täze eýesi Lamin Ýamal (90+4) geçirdi. “Malýorka” toparynda Morlanes 33-nji, Muriki 39-njy minutda gyzyl kart aldy.

Ançelottiniň ornuna Habi Alonsony tälimçilige bellän “Real Madrid” topary möwsümiň ilkinji duşuşygynda iň kiçi hasapy ýeňiş gazandy. Öz meýdançasynda “Osasunany” kabul eden paýtagtlylar geçen möwsümde Ýewropa “Altyn butsy” baýragyny gazanan Kilian Mbappeniň 51-nji minutda penaltiden geçiren goly bilen üstün çykdy. Madridiň “Atletikosy” myhmançylykda “Espanýol” bilen duşuşyp, Hulian Alwaresiň 37-nji minutda salan goly esasynda öňe geçse-de, ýeňşi elden giderdi. Ýer eýelerine ýeňiş getiren gollary Rubio (73) bilen Miliýa (84) öz atlaryna ýazdyrdylar. 5 goluň geçirilen oýnunda “Atletik” öz meýdançasynda Sewilýany 3-2 hasabynda ýeňmegi başardy (N. Williams 36 p, Sannadi 43, Nawarro 81 – Lukebakio 60, Agume 72).

1-nji tapgyryň netijeleri:

Žirona – R. Wallekano: 1-3, Wilýarreal – Owiedo: 2-0, Malýorka – Barselona: 0-3, Alawes – Lewante: 2-1, Walensiýa – R. Sosiedad: 1-1, Selta – Hetafe: 0-2, Atletik – Sewilýa: 3-2, Espanýol – Atletiko: 2-1, Elçe – Betis: 1-1, Real Madrid – Osasuna: 1-0

Gyzykly bolup bilerЕЩЕ ОТ АВТОРА