Şanhaýda ilkinji jemgyýetçilik kitaphanasyny açdy

Meşhur modalar öýi bolan “Chanel” Şanhaýda häzirki zaman sungatyna bagyşlanan ilkinji jemgyýetçilik kitaphanasyny açdy. Täsinlikler bilen gurşalan “Espace Gabrielle Chanel” atly kitaphananyň dizaýnyny ýapon binagäri Kadzunari Sakamoto taýýarlady. 18 müň inedördül fut meýdany eýeleýän bu kitaphana “Power Station of Art” muzeýiniň üçünji gatynda ýerleşýär we onda 50 müňden gowrak kitap we audio neşirler goýlan. Bu ýeriň esasy elementi “Kitaplar jülgesi” hasaplanyp, ol labirint şekilli gurluşy bilen, aýratyn hem ol derýanyň akymyny, binanyň senagat mirasyny alamatlandyrmak bilen bu ýere gelýänleriň ünsüni özüne çeker. Bulardan başga-da, ägirt uly toplumda sergi zallary, teatr, dizaýn merkezi we Huanpu derýasyna seredýän teraslar bu taslamanyň häzirki zaman hytaý ussatlygyny, arhitektoryny we teatr sungatyny goldaýan “Next Cultural Producer” maksatnamasynyň çäginde “Power Station of Art” bilen uzak möhletleýin hyzmatdaşlygynyň aýratyn bölegi hasaplanýar. Bu hyzmatdaşlyk ýakyn geljekde brendiň medeniýetler arasyndaky alyş-çalşyna bolan berk ygrarlydygyny aýdyň açyk görkezer diýip, “Chanel”-iň sungat boýunça ýolbaşçysy Ýana Pil buýsanç bilen belleýär.
Mährem BABAMYRADOWA, Halkara senagatçylar we telekeçiler uniwersitetiniň talyby,
Türkmenistanyň Ýaşlar baýragynyň eýesi.