Sowgat bermegi halaýaňyzmy?

Ýa­kyn­la­ry­ňa ýa-da kim­dir bi­ri­ne sow­gat be­re­niň­de hem özüň, hem-de sow­gat alan adam be­gen­ýär. Uly ýa-da ki­çi­di­gi­ne ga­ra­maz­dan, is­len­dik sow­gat adam­da hoş­ni­ýet­li duý­gu­la­ry eme­le ge­tir­ýär. Köp­lenç dog­lan gün­ler­de we baý­ram­çy­lyk­lar­da bi­rek-bi­re­ge sow­gat be­ril­ýär. Eý­sem, sow­gat ber­me­giň äh­mi­ýe­ti nä­me?
Köp­ler sow­gat ala­nyn­da be­gen­ýär. Ola­ryň be­gen­ji­ni gö­rüp, sow­gat be­ren adam hem be­gen­ýär we özü­ni bagt­ly duý­ýar. Bu edil zyn­jyr gör­nü­şin­de bo­lup, dur­mu­şa bo­lan ka­na­gat­lan­ma duý­gu­sy­ny dö­red­ýär.
Sow­gat ber­mek bi­rek-bi­re­giň ara­syn­da öza­ra söý­gi­ni we hor­ma­ty dö­red­ýär. Esa­san hem, sus­su­pes adam­la­ra sow­gat ber­len­de, olar öz­le­ri­niň sö­ýül­ýän­di­gi­ne we eý gö­rül­ýän­di­gi­ne dü­şün­ýär­ler.
Sow­gat ber­mek bir zat sa­tyn al­mak diý­mek däl. Köp­ler sa­tyn alyn­ýan taý­ýar sow­ga­dy ha­la­ma­ýar­lar. Şeý­le ýag­daý­da öý­de el zäh­me­ti bi­len bir zat­lar ýa­sap, süý­jü­lik­ler bi­şi­rip bi­ler­si­ňiz.
Sow­gat ber­mek ýa­kyn­la­ryň ýa-da kim­dir bi­ri bi­len be­gen­ji­ňi we şat­ly­gy­ňy paý­laş­ma­gy öw­red­ýär.
Sow­gat ber­mek ada­myň duý­gu­la­ry­ny be­ýan et­mä­ge ýar­dam ed­ýär. Sow­gat ber­mek ar­ka­ly ýa­kyn­la­ryň we kim­dir bi­ri­niň ala­da­sy­nyň edil­ýän­di­gi­ni, ýa­dyň­dan çy­kar­ma­ýan­dy­gy­ňy we hor­mat-sy­la­gy aň­la­dyp bol­ýar.
Sow­gat ber­mek, esa­san hem, el zäh­me­ti bi­len ýa­san za­dy­ňy sow­gat ber­mek dö­re­di­ji­li­ge bo­lan uky­by­ňy ös­dür­ýär. My­sal üçin, ça­ga­jy­ga ho­zuň ga­by­gy­na ki­çi­jik ka­gyz ýel­ken ýel­me­nip ýa­sa­lan gä­mi­ni, ka­gyz­dan ýa­sa­lan ar­ça­ny sow­gat ber­mek.
Sow­gat ber­mek dö­re­di­ji­li­gi, es­te­ti­ki ma­ny­ny baý­laş­dyr­ýar we ös­dür­ýär. Ýa­kyn­la­ry­ňa sow­gat hök­mün­de be­rip bil­jek zat­la­ryň sa­na­wy­ny ýaz­ma­ly. Soň­ra şol ada­myň özü­ne mah­sus sow­ga­dy saý­la­ma­ly we da­şy­ny owa­dan ka­gyz­lar ýa-da be­zeg­ler bi­len ört­me­li. Bu ada­myň es­te­tik duý­gu­sy­ny ös­dü­rip, gö­zel­lik­le­ri saý­lap bil­me­gi we gör­me­gi öw­red­ýär.