Çžanszýasze mil­li se­ýil­gä­hi­ne il­kin­ji ge­zek bar­ýan her bir sy­ýa­hat­çy dag ge­riş­le­rin­den ýa­sa­lan sun­ga­ta meň­ze­ýän Hy­ta­ýyň bu tebigy gözelligini görüp haý­ra­n galýar. Çžanszýasze Hy­ta­ýyň gü­nor­ta-gün­ba­ta­ryn­da, Hu­nan we­la­ýa­ty­nyň Wu­lin­ýuan go­rag­ha­na­sy­nyň çä­gin­de ýer­leş­ýän mil­li se­ýil­gäh bo­lup, Wu­lings­han dag­lyk ul­ga­my­na de­giş­li­dir. 48,15 gek­tar meý­da­na ba­ra­bar bo­lan Çžanszýasze 1982-nji ýyl­da mil­li se­ýil­gäh hök­mün­de yk­rar edil­ýär. 1992-nji ýyl­da ÝU­NES­KO-nyň Bü­tin­dün­ýä mi­ra­sy­nyň sa­na­wy­na gi­ri­zi­len se­ýil­gä­hiň uzak ýyl­la­ryň do­wa­myn­da ýag­şyň köp ýag­ma­gy, ho­wa­nyň we çyg­ly­ly­gyň üýt­ge­me­gi bi­len eme­le ge­len­di­gi çak­la­nyl­ýar.
Kwars­dan we daş­lar­dan eme­le ge­len be­ýik we dik ga­ýa­lar ösüm­lik bit­ýän­di­gi bi­len ta­pa­wut­lan­ýar. Se­ýil­gäh­de iň owa­dan ga­ýa­nyň be­ýik­li­gi 1080 met­re ba­ra­bar bo­lup, hy­taý­ly­lar bu ga­ýa­ny «Awa­tar-Hal­le­lu­jah da­gy» di­ýip at­lan­dyr­ýar­lar. «Awa­tar da­gy» hem diýilýän bu ga­ýa dyrmaşyp çy­kyp bol­ma­ýar. Se­ýil­gäh­de 3 müň­den gow­rak ga­ýa bo­lup, ola­ryň üç­den bi­ri 200 metr­den be­ýik­dir. Se­ýil­gä­hiň iň be­ýik no­ka­dy 1890 met­re ba­ra­bar bo­lan Dou­peng da­gy ha­sap­lan­ýar. 2011-nji ýyl­da Týan­men da­gyn­da «ba­tyr» sy­ýa­hat­çy­lar üçin ga­ýa­nyň da­şyn­dan aý­la­nyp ge­çil­ýän, uzyn­ly­gy 100 metr, ini 1,5 metr bo­lan tä­sir­li py­ýa­da ýo­ly gu­rul­dy. Aý­na bi­len ör­tü­len 1400 metr be­lent­lik­dä­ki bu ýol dün­ýä­dä­ki iň bir ün­si çe­ki­ji we da­şyn­dan se­re­de­niň­de howp­ly gö­rün­ýän ýer­le­riň bi­ri­dir. Se­ýil­gä­hiň iň owa­dan ýer­le­ri­niň bi­ri hök­mün­de as­man köp­ri­ni (Zhang­jia­jie Grand Canyon) gör­kez­mek bo­lar. 2016-njy ýyl­da açy­lan bu köp­ri dün­ýä­dä­ki iň uzyn we iň be­ýik pyý­ada aý­na köp­ri ha­sap­lan­ýar. Ýer­den 357 metr be­lent­lik­dä­ki «1-nji te­bi­gy köp­ri» hem di­ýil­ýän «Grand Canyon»-yň ini 4 met­re, uzyn­ly­gy 50 met­re ba­ra­bar bo­lup, iki ga­ýa­nyň de­pe­si­ni bir­leş­dir­ýär. Ga­ýa­nyň de­pe­si­ne çalt bar­mak üçin gur­lan «100 až­dar­ha lif­ti» (Bai­long Lift) hem gö­ren­le­ri haý­rana goýýar. Sy­ýa­hat­çy­lar aý­na kap­su­la­ly açyk lift bi­len 330 metr be­lent­lik­dä­ki dik ga­ýa çy­kyp, se­ýil­gä­hiň tä­sin gur­lu­şy­ny we öz­bo­luş­ly te­bi­ga­ty­ny syn­la­ma­ga müm­kin­çi­lik al­ýar­lar. Sy­ýa­hat­çy­lar­da ýat­dan çyk­ma­jak duý­gu­la­ry dö­red­ýän «100 až­dar­ha lif­ti» dag­lyk ul­gam­da gur­lan dün­ýä­dä­ki iň be­ýik açyk lift ha­sap­lan­ýar. Bu­lar­dan baş­ga-da, se­ýil­gä­hiň dü­zü­min­de bir­nä­çe go­wak, eme­li Bao­feng kö­li bar.

Mil­li se­ýil­gäh­de 3 mü­ňe go­laý seý­rek ösüm­lik ös­ýär. Dün­ýä­de seý­rek duş gel­ýän kep­de­ri aga­jy­ny, ging­ko we gy­zyl aga­jy­ny bu ýer­de gör­mek bol­ýar. Se­bi­tiň haý­wa­nat dün­ýä­si hem köp gör­nüş­li bo­lup, bu ýer­de 500-den gow­rak jan­ly-jan­dar ýa­şa­ýar. Ola­ryň ara­syn­da maý­my­nyň kä­bir seý­rek duş gel­ýän gör­nü­şi, sa­la­man­der­ler hem bar.
Se­ýil­gäh­den uzak bol­ma­dyk ýer­de Wu­linýuan at­ly ki­çi­jik şä­her ýer­leş­ýär. Çžanszýasze mil­li se­ýil­gä­hi­ne ge­len sy­ýa­hat­çy­la­ryň ag­la­ba bö­le­gi bu şä­he­riň myh­ma­ny bol­ýar­lar. Sy­ýa­hat­çy­lar üçin äh­li ze­rur­lyk­lar göz öňün­de tu­tu­lan bu şä­her­çe­de myh­man­ha­na­dyr res­to­ran­la­ryň bir­nä­çesi bar.

Gyzykly bolup bilerЕЩЕ ОТ АВТОРА