24-25-nji no­ýabr­da paý­tag­ty­myz­da Türk­me­nis­tan­da san­ly yk­dy­sa­dy­ýet we in­no­wa­si­on teh­no­lo­gi­ýa­lar bo­ýun­ça «Türk­men­tel-2020» at­ly ХIII hal­ka­ra on­laýn mas­la­ha­ty ge­çi­ril­di. Hor­mat­ly Pre­zi­den­ti­miziň Ka­ra­ry­na la­ýyk­lyk­da bu mas­la­ha­ty «Türk­me­na­ra­gat­na­şyk» agent­li­gi we ýur­du­my­zyň Söw­da-se­na­gat eda­ra­sy gu­ra­dy­lar.
Ada­ty hem-de on­laýn gör­nüş­de ge­çi­ri­len fo­ru­ma gat­naş­mak üçin dün­ýä­niň 21 ýur­dun­dan spi­ker­le­riň 30-dan gow­ra­gy hem-de we­kil­le­riň 300-e go­laýy bel­li­ge alyn­dy. Ola­ryň ha­ta­ryn­da Ow­ga­nys­ta­nyň, Azer­baý­ja­nyň, Be­la­ru­suň, Bel­gi­ýa­nyň, Be­ýik Bri­ta­ni­ýa­nyň, Ger­ma­ni­ýa­nyň, Hin­dis­ta­nyň, Ga­za­gys­ta­nyň, Hy­ta­ýyň, Kip­riň, Mal­diw­le­riň, Mo­na­ko­nyň, Ni­der­land­la­ryň, Rus­si­ýa­nyň, Ru­my­ni­ýa­nyň, ABŞ-nyň, Öz­be­gis­ta­nyň, Finl­ýan­di­ýa­nyň, Fran­si­ýa­nyň, Şweý­sa­ri­ýa­nyň we Ýa­po­ni­ýa­nyň we­kil­le­ri bar. Şeý­le hem fo­ru­ma dün­ýä­de ara­gat­na­şy­gyň hem-de mag­lu­mat teh­no­lo­gi­ýa­la­ry­nyň dür­li gör­nüş­le­ri­niň ba­za­ry­nyň öň­de­ba­ry­jy­la­ry bo­lan «NO­KIA», «HUA­WEI», «Test Invest­ment Сo», «SSI Mo­naсo», «Tha­les», «Afg­han Wi­re­less», «Air­bus», «Del­ta Te­leсom Ltd», «Ros­te­leсom», «Fast­wind», «Azer­te­leсom» we beý­le­ki iri kom­pa­ni­ýa­la­ryň we­kil­le­ri gat­naş­dy­lar.
Mas­la­ha­ta işe­wür­ler to­par­la­ryn­dan baş­ga-da, bu ul­gam­da­ky hü­när­men­ler, esa­sy alym­lar we bi­ler­men­ler uly gy­zyk­lan­ma bil­dir­di­ler. «Türk­men­tel–2020» fo­ru­my­nyň açy­lyş da­ba­ra­sy ýur­du­my­zyň Söw­da-se­na­gat eda­ra­sy­nyň mas­la­hat­lar za­lyn­da ge­çi­ril­di. Oňa hö­kü­met ag­za­la­ry, mi­nistr­lik­le­riň we pu­dak­la­ýyn do­lan­dy­ryş eda­ra­la­ry­nyň ýol­baş­çy­la­ry, jem­gy­ýet­çi­lik gu­ra­ma­la­ry­nyň, ýo­ka­ry okuw mek­dep­le­ri­niň, köp­çü­lik­le­ýin ha­bar be­riş se­riş­de­le­ri­niň we­kil­le­ri gat­naş­dy­lar.
Umu­my mej­lis Türk­me­nis­tan­da in­no­wa­si­on, mag­lu­mat we kom­mu­ni­ka­si­ýa teh­no­lo­gi­ýa­la­ry­nyň ösü­şi­ne ba­gyş­lan­dy. Dün­ýä­niň tej­ri­be­si, do­lan­dy­ry­şyň ösü­şi we hä­zir­ki za­man ugur­la­ry ara al­nyp mas­la­hat­la­şyl­dy.
Çy­kyş­lar­da hal­ka­ra öl­çeg­le­ri­ne la­ýyk gel­ýän hem-de mag­lu­mat gat­na­şyk­la­ry­nyň ýo­ka­ry hi­li­ni üp­jün ed­ýän mil­li te­le­kom­mu­ni­ka­si­ýa ul­ga­my­nyň ös­dü­ril­me­gi­niň Türk­men döw­le­ti­niň Mer­ke­zi Azi­ýa se­bi­tin­de mö­hüm mer­kez, Gün­do­ga­ryň we Gün­ba­ta­ryň, De­mir­ga­zy­gyň we Gü­nor­ta­nyň ara­syn­da wa­jyp mag­lu­mat-kom­mu­ni­ka­si­ýa köp­rü­si hök­mün­de yk­rar edil­me­gi­ne ýar­dam ed­ýän­di­gi bel­le­nil­di.
Ýur­du­my­zy boý­dan-ba­şa iň döw­re­bap op­ti­ki-sü­ýüm­li ul­gam­lar ke­sip geç­ýär. Ýer­li te­le­fon no­kat­la­ry­nyň sa­ny­nyň art­ma­gy hal­ka­ra we şä­he­ra­ra ara­gat­na­şyk ýaý­lym­la­ry­nyň art­ma­gy­na ge­tir­di. Hy­ta­ýyň Urum­çy şä­he­rin­den Ger­ma­ni­ýa­nyň Frank­furt şä­he­ri­ne çen­li, umu­my uzyn­ly­gy 27 müň ki­lo­met­re ba­ra­bar bo­lan Trans-Azi­ýa-Ýew­ro­pa op­ti­ki-sü­ýüm­li ul­ga­myň 708 ki­lo­metr­lik bö­le­gi­niň Türk­me­nis­ta­nyň çä­gin­den geç­ýän­di­gi mö­hüm äh­mi­ýe­te eýe­dir.
Şeý­le hem, Ser­he­ta­bat-Tur­gun­dy (Ow­ga­nys­tan) we Ker­ki-Aki­na (Ow­ga­nys­tan) ugur­la­ry bo­ýun­ça goş­ma­ça op­ti­ki-sü­ýüm­li hal­ka­ra bi­rik­me­si­niň gur­na­ma iş­le­ri ta­mam­laý­jy tap­gyr­da al­nyp ba­ryl­ýar.
Türk­me­nis­ta­nyň Hö­kü­me­ti bi­len Azer­baý­jan Res­pub­li­ka­sy­nyň Hö­kü­me­ti­niň ara­syn­da iki döw­le­tiň ara­gat­na­şyk ope­ra­tor­la­ry ar­ka­ly Türk­me­nis­tan–Azer­baý­jan Res­pub­li­ka­sy ug­ry bo­ýun­ça Ha­zar deň­zi­niň düý­bün­den op­ti­ki-sü­ýüm­li ara­gat­na­şyk ul­ga­my­ny bi­le­lik­de gur­ma­gy, eýe­lik et­me­gi hem-de ulan­ma­gy gu­ra­mak ba­ra­da­ky yla­la­şy­ga gol çe­kil­di. Bu tas­la­ma­nyň ama­la aşy­ryl­ma­gy Türk­men­ba­şy hem-de Si­ýa­zan şä­her­le­ri­ni bir­leş­di­rer we Azi­ýa bi­len Ýew­ro­pa­nyň ara­syn­da te­le­kom­mu­ni­ka­si­ýa üs­ta­şyr ýol­la­ry­nyň di­wer­si­fi­ka­si­ýa­laş­dy­ryl­ma­gyn­da hem-de kä­mil­leş­di­ril­me­gin­de hyz­mat­daş­ly­gy pug­ta­lan­dy­rar.
Iki gün do­wam eden fo­ru­ma gat­na­şan­lar di­ňe bir ara­gat­na­şyk top­lu­my­nyň esa­sy ugur­la­ry­ny ös­dür­me­giň ýag­da­ýy, gel­je­gi ba­ra­da mag­lu­mat­la­ry al­mak bi­len çäk­len­män, eý­sem, hem­ra kom­mu­ni­ka­si­on teh­no­lo­gi­ýa­la­ry we mak­sat­na­ma­la­ýyn önüm­le­riň ba­za­ry, san­ly­laş­dyr­mak, ki­ber­howp­suz­lyk ýa­ly me­se­le­ler bo­ýun­ça pi­kir alyş­dy­lar hem-de mun­dan beý­läk­ki hyz­mat­daş­ly­gyň usul­la­ry­ny we ma­ýa go­ýum müm­kin­çi­lik­le­ri­ni kes­git­le­di­ler.

Gyzykly bolup bilerЕЩЕ ОТ АВТОРА