Amerikan žurnaly “Time” 2025-nji ýylyň iň oňat oýlap tapyşlarynyň sanawyny neşir etdi. Žurnal dürli kategoriýalarda 300 tehnologik täzelikleri we ösüşleri saýlady.
Neşiriň maglumatlaryna görä, «Robot tehnikasy» kategoriýasynda «Figure 03» we ykjam «HoverAir X1 ProMax” pilotsyz enjamy ykrar edildi. Kosmos bölüminde “AST SpaceMobile BlueBird” hemra internet tehnologiýasy we Wera Rubin adyndaky obserwatoriýa ykrar edildi.
Iň oňat enjamlaryň arasynda: “Apple AirPods Pro 3” gulaklygy, “70mai Dash Cam 4K Omni, mikro – SSD Biwin wideoregistratory, “Fujifilm Instax Wide Evo” dessine alýan kamera, “Huawei Pura 80 Ultra” kamerofony, “Samsung Micro RGB” telewizory we “Tecno Megabook S14” noutbugy bar.
Dakylýan enjamlar kategoriýasynda “Oura Ring 4” we “Garmin Index Sleep Monitor” uky monitory ykrar edildi. Ulag serişdeleriniň arasynda “BMW iX3” we “BYD Seagull” elektroulaglary bar.
Ondan öň 2024-nji ýylda şuňa meňzeş sanawa “LG Signature” dury telewizory, “AirPods Pro 2” gulaklyklary we “Huawei Mate XT” üç eplenýän smartfony girdi.

Gyzykly bolup bilerЕЩЕ ОТ АВТОРА