Angliýanyň Premier Ligasynyň güýçli klublaryndan Tottenham topary tälimçisi Nuno Espirito Santony düýn wezipesinden boşadypdy. Bu gün bolsa London şäheriniň kluby tomusda-da, düýnki günde-de ady agzalan italiýaly tälimçi Antonio Konte bilen şertnama baglaşylandygyny resmi ýagdaýda habar berdi. Şeýlelikde, Konteniň Londondaky 2-nji başdangeçirmesi başlap, Tottenham topary tejribeli tälimçi bilen 1,5 ýyllyk şertnama baglaşdy. Tälimçilik eden toparlarynda 3 ýyldan köp işlemeýän 52 ýaşyndaky Konte 2011-14-nji ýyllarda Ýuwentusa, ondan soň 2016-njy ýyla çenli Italiýanyň ýygyndysyna, 2016-2018-nji ýyllarda Çelsä tälim beren Konte geçen möwsümde-de Interi çempion edip, maliýe babatda düşünişmezlik sebäpli işini taşlapdy. Konte täze klubunda ozal Ýuwentusda bile işleşen Fabiko Paratiçi bilen işleşer. Paratiçi häzirki wagtda Tottenhamyň sport direktory wezipesini ýerine ýetirýär.

Gyzykly bolup bilerЕЩЕ ОТ АВТОРА