20-nji ýanwarda Kongresiň merkezi zaly Rotondada ABŞ-nyň 47-nji Prezidenti Donald Trampyň kasam kabul edişlik dabarasy soňky 40 ýylda ilkinji gezek geçirildi.
Kasam kabul ediş dabarasyna daşary ýurtly liderler hem gatnaşdy. Olaryň arasynda Argentinanyň Prezidenti Hawýer Mileý, Italiýanyň Premýer-ministri Jorja Meloni we Ekwadoryň Prezidenti Daniel Noboa, Hytaý Halk Respublikasynyň wise-prezidenti Han Çžen bar. Şeýle hem Hindistanyň we Ýaponiýanyň daşary syýasat edarlarynyň ýolbaşçylary Subramanýam Jaýşankar we Tekesi Iwaýa bu dabara gatnaşdylar.
Donald Tramp kasam kabul edensoň 21 gezek top zalplary ýaňlandy. Şeýle hem 40 ýaşly ABŞ-nyň wise-prezidenti Jeýms Deýwid Wens kasam kabul etdi. Şeýlelik bilen, Trampyň administrasiýasynyň dört ýyllyk möhleti başlandy.
Donald Tramp Amerikanyň Birleşen Ştatlarynyň taryhynda arakesme bilen iň ýokary döwlet wezipesini eýelän ikinji Prezident boldy. Ondan öň diňe Grower Kliwlend muny başarypdy. Kliwlend 1885-1889-njy ýyllarda we 1893-1897-nji ýyllarda Amerikanyň 22-nji we 24-nji Prezidenti bolupdy. Indi Tramp ABŞ-nyň 45-nji we 47-nji Prezidenti boldy.
Şeýle hem Tramp ýurduň taryhynda iň uly ýaşly prezident boldy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА