Şu gün paýtagtymyzdaky “Ýyldyz” myhmanhanasynda Senagatçylar we telekeçiler birleşmesiniň döredilmeginiň 17 ýyllygy mynasybetli «Türkmenistanyň geljegine maýa goýumlar» atly halkara forumy ýokary guramaçylyk derejesinde öz işine başlady. Ozal habar berşimiz ýaly, “Türkmenistanyň geljegine maýa goýumlar” atly hususy pudaga maýa goýumlary çekmek boýunça halkara forumyny (IFT 2025) “TMT Consulting Group” kompaniýasy bilen hyzmatdaşlykda Türkmenistanyň Senagatçylar we telekeçiler birleşmesi hem-de Söwda-senagat edarasy guraýar. Fo­ru­ma gatnaşmak üçin 26 ýurt­dan 200-den gow­rak we­ki­l Aşgabada geldi. Ýurdumyzyň mi­nistr­lik­le­ri­niň we pu­dak­la­ýyn do­lan­dy­ryş eda­ra­la­ry­nyň we­kil­le­ri, da­şa­ry ýurt­ly ma­ýa­dar­lar, iri kom­pa­ni­ýa­la­ryň ýol­baş­çy­la­ry, şeý­le hem yk­dy­sa­dy­ýet we in­no­wa­si­ýa­lar ul­ga­myn­da­ky hü­när­men­ler hem halkara foruma işjeň gat­na­şdy­lar.

IFT 2025 hal­ka­ra fo­ru­my Türk­me­nis­ta­nyň hu­su­sy pu­da­gy­nyň ösüş­le­ri: ýe­ti­len sep­git­ler we müm­kin­çi­lik­ler, Ki­çi we or­ta te­le­ke­çi­li­ge ýar­dam ber­mek: hal­ka­ra we mil­li tej­ri­be­ler, Üz­nük­siz aý­law­ly (sir­kul­ýar) yk­dy­sa­dy­ýet: Türk­me­nis­ta­nyň se­na­gat, gur­lu­şyk, ulag we sy­ýa­hat­çy­lyk pu­dak­la­ry­nyň hä­zir­ki za­man ösü­şin­de hu­su­sy pu­da­gyň or­ny, Oba ho­ja­ly­gy­na in­no­wa­si­ýa­la­ry or­naş­dyr­mak­da hu­su­sy pu­da­gyň ga­za­nan­la­ry we mak­sat­na­ma­la­ýyn ugur­la­ry ýa­ly bö­lüm­le­ri öz içi­ne al­ýar.
Mas­la­ha­ty­ň do­wa­myn­da ýer­li we da­şa­ry ýurt kom­pa­ni­ýa­la­ry­ň ýol­baş­çy­la­ryna öza­ra du­şuş­ma­ga hem müm­kin­çi­lik döredi. Bu du­şu­şy­ga gat­na­şy­jy­lar po­ten­si­al tas­la­ma­la­ry ara alyp mas­la­hat­la­şyp, ma­ýa go­ýum müm­kin­çi­lik­le­ri­ni öw­re­nip, Türk­me­nis­ta­nyň yk­dy­sa­dy­ýe­ti­niň öň­de­ba­ry­jy pu­dak­la­ry ba­ra­da  mag­lu­mat­la­r aldylar.

Umuman, halkara forum  Türkmenistanyň hususy pudagynyň maýa goýum mümkinçiliklerini ara alyp maslahatlaşmaga, tejribe alyşmaga hem-de döwlet edaralary bilen hususy pudagyň arasynda hyzmatdaşlyk gatnaşyklaryny ýola goýmak üçin möhüm meýdança boldy.

Gyzykly bolup bilerЕЩЕ ОТ АВТОРА