Ýew­ro­pa Bi­le­le­şi­gi ulag­la­ry we se­na­ga­ty aras­sa ener­gi­ýa ge­çir­mek mak­sa­dy bi­len wo­do­ro­dyň ula­nyl­ma­gy­ny esa­sy çeş­me­le­riň bi­ri hök­mün­de ös­dür­mek ba­ra­da ka­rar ka­bul et­di. Bü­tin dün­ýä­de bu gaz bi­len dol­du­ryl­ýan mü­ňe go­laý ýan­gyç stan­si­ýa­la­ry bo­lup, Bel­gi­ýa­nyň Ant­wer­pen por­tun­da hem bar. Şol ýer­de aw­tou­lag­la­ryň ýö­ri­te bak­la­ry wo­do­rod bi­len dol­du­ryl­ýar. Ýew­ro­pa Ko­mis­si­ýa­sy elekt­rik zar­ýad be­riş stan­si­ýa­la­ry­nyň ýa­nyn­da şeý­le inf­rast­ruk­tu­ra­ny or­naş­dyr­ma­gy tek­lip ed­ýär.
Bel­gi­ýa­nyň Wal­lo­ni­ýa se­bi­ti­niň hä­kim­li­gi­niň teh­no­lo­gi­ýa bo­ýun­ça ge­ňeş­çi­si Roý Kemp ne­bit önüm­le­ri­niň we te­bi­gy ga­zyň ulanylyşy azaldylan ha­la­tyn­da, wo­do­ro­dyň at­mos­fe­ra­ny aras­sa­la­mak­da aýratyn ähmiýetini belläp şeýle diýdi:
– Bu me­se­lä­ni çöz­me­giň bir bö­le­gi bo­lar. Hä­zir­lik­çe biz, esa­san, Gün we ýel ýa­ly tä­ze­len­ýän ener­gi­ýa çeş­me­le­ri­ne köp ma­ýa goý­ýa­rys. Ýö­ne he­mi­şe Gün şöh­le sa­çyp, şe­mal öw­süp dur­sa, on­da wo­do­ro­da ze­rur­lyk hem bol­maz­dy. Wo­do­rod ener­gi­ýa­ny sak­la­ma­gyň iň amat­ly usu­ly­dyr. Wo­do­ro­dy ge­rek­li wag­ty ula­nyp, ge­rek­me­jek wag­ty hem tyg­şyt­lap bol­ýar. Wo­do­rod şüb­he­siz gel­je­giň ýan­gy­jy­na öw­rü­ler. Biz onuň hem­me tehnika ýa­ra­ýan­dy­gy ba­ra­da gür­rüň et­me­ýä­ris, ýö­ne agyr ulag­la­ry­ň kö­pü­si­niň wo­do­rod bi­len iş­le­diljekdigine ynan­ýa­rys.
Bel­gi­ýa­nyň Hö­kü­me­ti ony beý­le­ki mak­sat­lar üçin, esa­san hem, dö­kün we plast­mas­sa ýa­ly hi­mi­ki önüm­le­ri ön­dür­mek üçin ulan­mak is­le­ýär. Gel­jek­de dö­wür­le­ýin tab­li­sa­nyň bi­rin­ji ele­men­ti bo­lan wo­do­ro­dy ter­mo ýad­ro sin­te­zi üçin ula­nmak mak­sat edi­nil­ýär.
Ant­wer­pen por­tun­da ula­nyl­ýan tä­ze­len­ýän wo­do­rod elekt­ro­liz ar­ka­ly ön­dü­ril­ýär. Yk­dy­sa­dy­ýet­de ula­nyl­ýan wo­do­ro­dyň köp bö­le­gi, esa­san, te­bi­gy gaz ýa­ky­lyp, CO2 zy­ňyn­dy­la­ryny howa goýberensoň alyn­ýar. Şo­nuň üçin Ýew­ro­pa Ko­mis­si­ýa­sy H2-niň «ýa­şyl» ener­gi­ýa ar­ka­ly ön­dü­ril­me­gi­ni mak­sat edin­ýär.
Hä­zir­ki wagt­da Ger­ma­ni­ýa, Be­ýik Bri­ta­ni­ýa, Ni­der­land­lar, Bel­gi­ýa we Awst­ri­ýa ýa­ly ýurt­lar­da wo­do­rod ulan­ma­ga gi­ri­şil­ýär. Wo­do­rod hi­mi­ki bir­leş­me gör­nü­şin­de bo­lup, onuň köp bö­le­gi dün­ýä um­ma­nyn­da sak­lan­ýar. Bu ele­ment daş­ky gur­şa­wy go­ra­mak­da aý­ra­tyn äh­mi­ýe­te eýe bo­lup, ulag se­riş­de­le­rin­de di­ze­liň, ýy­la­dyş üçin te­bi­gy ga­zyň hem-de me­tal­lur­gi­ýa za­wo­dyn­da ula­nyl­ýan köm­rüň ýe­ri­ni tut­ýar.

Gyzykly bolup bilerЕЩЕ ОТ АВТОРА