Germaniýanyň “BMW Group” topary bilen Ýaponiýanyň “Toyota Motor Corporation” korporasiýasy arassa energiýaly ýangyçlary öndürmek üçin hyzmatdaşlyk ederler. Hyzmatdaşlygyň çäklerinde nemes brendi ilkinji wodorod ýangyçly ulagyny 2028-nji ýylda öndürip başlar. Täze ulaglar has elýeterli bahadan satylar. Bu ulaglar hem wodorod, hem-de elektrik energiýasy bilen (FCEV) işlär. Energiýanyň bu iki görnüşiniň ulaga şol bir beket arkaly berilmegi üçin hem tehnologiýa işlenip taýýarlanar. Şeýlelikde, elektrik we wodorod beketleriniň ýaýrawy giňeldiler hem-de arzanladylar. Işlenip taýýarlanan tehnologiýa BMW hem-de “Toyota” modellerinde ulanylar.
BMW kompaniýasy wodorod ýangyjy bilen işleýän “iX5 Hydrogen” awtoulagyny dünýäniň köp ýerinde synagdan geçirdi. Indi bolsa onuň köpçülikleýin önümçiligi ýola goýlar.

Babaröwşen Pirgulyýew, Türkmen döwlet maliýe institutynyň talyby.

 

Gyzykly bolup bilerЕЩЕ ОТ АВТОРА