Woleýbol boýunça Milletler Ligasynda Italiýanyň zenanlar ýygyndysy bassyr 2-nji çempionlygyny baýram etdi. Final tapgyry Polşanyň Lods şäherinde geçirilen ýaryşyň finalynda Italiýanyň ýygyndysy Braziliýanyň ýygyndysyndan 3:1 hasabynda üstün çykdy. Duşuşygyň 1-nji setinde Braziliýanyň ýygyndysy 25:22 hasabynda öňe saýlandy. Ýöne soňky setlerde özüni dürsän italýanlar 25:18, 25:22, 25:22 hasaplar bilen üstün çykyp, garşydaşyny 3-1 hasabynda ýeňlişe sezewar etdi. Şeýlelikde, Italiýanyň ýygyndysy bassyr 2-nji, umumylykda-da 3-nji gezek Milletler Ligasynyň çempiony boldy (2022, 2024, 2025). Ýeňlişsiz çempionlyk gazanan Italiýanyň ýygyndysy Paola Egonu bassyr 2-nji, umumylykda-da 3-nji gezek ýaryşyň iň ökde oýunçysy diýlip saýlandy.

Bürünç medala ýene-de Polşanyň ýygyndysy mynasyp boldy. Ýaponiýanyň ýygyndysyny 3:1 (25:15, 24:26, 25:16, 25:23) hasabynda ýeňen polşaly zenanlar bassyr 3-nji gezek bürünç medaly eýeledi.

2018-nji ýyldan bäri geçirilip gelinýän Milletler Ligasynda ilkinji 3 ýaryşda ABŞ-nyň ýygyndysy, 2023-nji ýylda-da Türkiýäniň ýygyndysy çempionlyk gazandy.

Gyzykly bolup bilerЕЩЕ ОТ АВТОРА