Ýewropa Ýaýlym Bileleşigi (EBU) «Ýewrowideniýe» aýdym-saz bäsleşiginiň 2026-njy ýylyň maý aýynda Awstriýanyň paýtagty Wenada geçiriljekdigini mälim etdi. 70-nji gezek geçiriljek bäsleşigiň ýarym finallary 12-nji we 14-nji maýda, uly finaly bolsa, 16-njy maýda geçiriler. Halkara bäsleşik ýurduň iň uly ýapyk arenasy bolan «Wiener Stadthalle»-de geçiriler.
Şu ýyl bu bäsleşik Şweýsariýanyň Bazel şäherinde geçirilip, awstriýaly Ýohannes Piç ýeňiji bolupdy. Her ýyl geçirilýän bäsleşigiň nobatdakysy adatça, ýeňiji bolan aýdymçynyň wekilçilik edýän ýurdunda geçirilýär. Awstriýa mundan ozal, 1967-nji we 2014-nji ýyllarda «Ýewrowideniýäni» kabul edipdi.
Aýjeren ANNAMÄMMEDOWA,
Aşgabat şäher medeniýet müdirliginiň Merkezleşdirilen kitaphanalar ulgamynyň Mollanepes adyndaky kitaphana şahamçasynyň kitaphanaçysy.