Tamamlanyp barýan 2025-nji ýyl Portugaliýanyň futbol federasiýasy üçin taryhy ýeňişlere beslenýär. Portugaliýanyň futbol hem-de futzal boýunça dürli ýaşdaky milli ýygyndylary şu ýylyň dowamynda 4-si resmi jemi 5 halkara ýaryşda çempionlyk gazandy.

Olaryň soňkusy Katarda geçirilen 17 ýaşa çenlileriň arasyndaky U17 Dünýä Kubogy ýaryşy bolup, ýaşajyk portugal oglanlar finalda awstriýaly oglanlardan 1-0 hasabynda üstün çykmagy başardy. Bu olaryň şu ýaryşdaky ilkinji çempionlygy boldy.

Portugallaryň şol 5 çempionlygyň arasynda iň ulusy esasy milli ýygyndynyň gazanan UEFA Milletler Ligasynyň çempionlygydyr. Germaniýadaky finalda Ispaniýanyň ýygyndysyny penaltileriň netijesinde ýeňen Portugaliýanyň milli topary bu kubogy 2-nji, umumylykda-da 3-nji uly çempionlygyny gazandy.

UEFA-nyň başga bir ýaryşynda, ýagny U17 Ýewropa çempionatynda Portugaliýanyň ýaşlar topary 7-nji gezek ýeňiji boldy. Şol topar 5 aýdan soňam ilkinji sapar Dünýä Kubogyny gazandy.

Portugaliýanyň U15 ýygyndy topary Horwatiýada geçirilen Wlatko Markowiç adyndaky halkara ýaryşda ýeňiji boldy. Toparyň düzüminde Kristiano Ronaldonyň ogly hem esasy düzümde çykyş etdi.

Şeýle-de, Portugaliýanyň futzal boýunça U19 ýygyndy topary Ýewropanyň çempionlygyny gazandy.

Gyzykly bolup bilerЕЩЕ ОТ АВТОРА