PDF
Italiýanyň “Ýuwentus” kluby “Çelsiden” 21 ýaşyndaky portugaliýaly ýarymgoragçy Renato Weýgany möwsümiň ahyryna çenli kärendesine düzümine goşup, turinliler iňlis klubuna kärende tölegi hökmünde 3,8+1,5 million ýewro berer.
Ispaniýanyň “Sewilýa” topary Fransiýanyň “Monpelie” klubundan 24 ýaşyndaky nigeriýaly hüjümçi Akor Adamsy 5,5 million ýewro transfer edip, onuň bilen 2029-njy ýylyň tomsuna çenli şertnama baglaşdy.
Şotlandiýanyň “Seltik” topary 2021-2023-nji ýyllar aralygynda çykyş eden 25 ýaşyndaky portugaliýaly ozalky ýarymgoragçysy Žota Neweşi Fransiýanyň “Renn” toparyndan 10 million ýewro yzyna düzümine goşup, 5,5 ýyllyk ylalaşyga gol çekişdi.
Fransiýanyň “Renn” topary bolsa “Seltikden” 30 ýaşyndaky ýaponiýaly Kýogo Furuhaşini 2,5 ýyllyk şertnama bilen düzümine goşup, onuň transferi üçin şotland klubuna-da 10 million funt sterling tölär.
“Bundesliganyň” wekili “Bawariýa” topary 2-nji ligada çykyş edýän “Köln” toparynyň 21 ýaşyndaky nemes derwezeçisi Ýonas Urbigi 10 million ýewro transfer edip, onuň bilen 2029-njy ýylyň tomsuna çenli şertnama baglaşdy.
