Angliýanyň “Premier Ligasynda” 25-nji tapgyryň açylyş duşuşygynda “Çelsi” topary “Braýton” toparynyň myhmany boldy. Duşuşykda ýer eýeleri “Braýton” 3-0 hasabynda ýeňiş gazandy. “Braýtona” uly hasaply ýeňiş getiren gollary 27-nji minutda Mitoma bilen 38-nji hem-de 63-nji minutlarda Minteh geçirdi. Duşuşykda “Çelsi” topary topa 70 göterim eýeçilik etse-de, londonlylaryň ýer eýeleriniň derwezesine garşy ýeke takyk urgusy hem hasaba alynmady.

“Braýton” topary bu duşuşykdan 6 gün öň FA Kubogy bäsleşiginde-de “Çelsini” 2-0 hasabynda ýeňip, garşydaşyny ýaryşdan çykarypdy.

“Çelsi” soňky 4 oýunda 3-nji gezek ýeňildi. “Çelsi” 43 utukda galyp, 4-nji orunda barýar. “Braýton” utugyny 37-ä çykaryp, 8-nji orna beýgeldi.

Gyzykly bolup bilerЕЩЕ ОТ АВТОРА