Sanawyň lideri “Liwerpul” öz meýdançasynda “Lill” bilen duşuşyp, garşydaşyny 2-1 hasabynda ýeňlişe sezewar etdi. 7-nji oýunda 7-nji ýeňşini gazanan “Liwerpulyň” gollaryny 34-nji minutda Mohamed Salah bilen 67-nji minutda Jeýms Elliot geçirdi. Soňky ýarym sagady 1 oýunçy (Aissa Mandi 59-njy minutda gyzyl kart aldy) kem oýnan “Lilliň” ýeke-täk pökgüsini Jonatan Dewid öz adyna ýazdyrdy. Şunlukda, “Liwerpul” toparynyň ýaryşy 1-nji ýa-da 2-nji orunda tamamlajakdygy anyk boldy.

Belgradda oýnalan “Srwena Zwezda” – PSW duşuşygynda myhmanlar 1-nji ýarymda Luuk de Ýonguň 13-nji we 23-nji hem-de Flamengonyň 43-nji minutda geçiren gollary esasynda 3-2 hasabynda ýeňiş gazandy. Ýer eýeleri 2-nji ýarymda Flamengonyň 50-nji minutda gyzyl kart almagyndan soň Ndiaýeniň hem-de Džiganyň tapawutlanmagynda 2 gol geçirse-de, bu olara ýeňiş üçin ýeterlik bolmady. Bu ýeňlişden soň “Srwena Zwezdanyň” ýaryşy dowam etmek mümkinçiligi galmady.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА