Portugaliýanyň Liga Kubogynyň finalynda ýurduň öňdebaryjy 2 topary duşuşdy. Leýriýa şäherinde geçirilen finalda “Sporting” bilen “Benfika” özara güýç synanyşdy. Duşuşygyň 29-njy minutynda Şelderup “Benfikany” öňe saýlasa-da, 42-nji minutda Gýokereş penaltini dürs urup, hasaby deňledi. Oýnuň esasy wagty şol hasap bilen tamamlanyp, ýeňijini penalti urgulary kesgitledi. Bu urgularda-da 7-6 üstünlik gazanan “Benfika” 2024/25 möwsüminiň Liga Kubogynyň ýeňijisi boldy. 8 ýyldan soň 8-nji gezek Liga Kubogyny gazanan “Benfika” bu ugurda “Sportingden” 4 kubok öňde barýar. 18-nji gezek geçirilen ýaryşda “Braga” 3 gezek ýeňiji boldy.