Dünýäniň iň meşhur blogeri Jimmi «MrBeast» Donaldson tanymal amerikan ýazyjysy Jeýms Patterson bilen bilelikde «Iň howply oýunlar» («The Most Dangerous Games») atly ilkinji triller romanyny çap etdi we şol bir wagtyň özünde 1 million dollar baýrak gaznasy bolan hakyky bäsleşigi yglan etdi.

Eser 100 sany gatnaşyjynyň 1 milliard dollar möçberindäki baş baýrak hem-de adamzadyň geljegi üçin ölüm howply synaglardan geçişi barada gürrüň berýär. Akuladan doly suwda ýüzmekden we beýik daglardan aşmakdan ybarat bolan bu bäsleşikde awtoryň özi hem alternatiw gahryman hökmünde çykyş edýär.

«Ine-de, möý geldi» we «Meniň adym Aleks Kross» ýaly meşhur romanlaryň awtory Patterson bilen bilelikde ýazylan bu kitabyň çykmagy bloger üçin edebiýatdaky ilkinji ädim boldy.

Şeýle hem, Jimmi Donaldson hakyky durmuşda geçiriljek täze bäsleşigiň şertlerini düşündirip, ýaryşdaky kynçylyklary çözmek we ýeňiş gazanmak üçin zerur bolan ähli gizlin maglumatlaryň hut şu romanyň sahypalarynda ýerleşdirendigini mälim etdi.

Gyzykly bolup bilerЕЩЕ ОТ АВТОРА