“Tesla” we “SpaceX” kompaniýalarynyň ýolbaşçysy, dünýäniň iň gurply işewürleriniň biri bolan Ilan Mask norwegiýaly deputat Marius Nilsen tarapyndan Nobeliň parahatçylyk baýragyna dalaşgär görkezildi. Mask bu baýragy alan ýagdaýynda mundan ozal ynsanperwer işleri sebäpli bu baýraga mynasyp bolan Norman Borloug ýaly işewürleriň hataryna goşular.
Käri agronom bolan Borloug geçen asyryň ortalarynda Meksikada bolup, bu ýerde bugdaýyň täze sortlaryny döretdi. Ondan öň gallany daşary ýurtdan satyn alýan Meksika Borlougyň taslamalaryny durmuşa geçirmek bilen galla eksport edýän ýurda öwrülýär. Soňra beýleki ýurtlar hem Meksikanyň bu tejribesini öwrenýärler. Işewür Hindistanda hem bolup, ýokary hilli bugdaýyň ösdürilip ýetişdirilmegine we iýmit ýetmezçiligiň öňüniň alynmagyna goşant goşýar.
