2-nji oktýabrda Özbegistan Respublikasynyň Prezidentiniň administrasiýasynyň ýolbaşçysy Saida Mirziýoýewa ABŞ-nyň Prezidenti Donald Tramp bilen duşuşyp, oňa Özbegistanyň Prezidenti Şawkat Mirziýoýewiň salamyny we iň gowy arzuwlaryny ýetirdi.

«ABŞ-nyň Prezidenti Donald Tramp bilen duşuşmak hem-de oňa Özbegistanyň Prezidenti Şawkat Mirziýoýewiň adyndan iň gowy arzuwlarymy ýetirmek uly mertebe boldy» diýip, Mirziýoýewa belledi.

Özbegistan Respublikasynyň Prezidentiniň administrasiýasynyň ýolbaşçysy Saida Mirziýoýewa ABŞ-nyň Prezidenti Donald Tramp bilen duşuşdy.

Şeýle hem sentýabr aýynda administrasiýanyň ýolbaşçysy Bütindünýä söwda guramasynyň Baş direktory Ngozi Okonjo-Iweala bilen Özbegistanyň bu guramanyň agzalygyna girmegi boýunça gepleşikleri geçirdi. Şeýle hem ol «Google» kompaniýasynyň wise-prezidenti Karan Batiýa bilen duşuşyp, Özbegistanda «YouTube» hyzmatyny monetizasiýa etmek we halkara töleg ulgamlary meselelerini ara alyp maslahatlaşdy.

Nýu-Ýork şäherinde Mirziýoýewa «BlackRock» kompaniýasynyň ýolbaşçylary bilen Daşkent halkara maliýe merkezini döretmek boýunça gepleşikler geçirdi hem-de Özbegistanyň we Merkezi Aziýanyň ösüş geljegini ara alyp maslahatlaşmak üçin ABŞ-nyň işewür toparlarynyň wekilleri bilen duşuşdy.

Gyzykly bolup bilerЕЩЕ ОТ АВТОРА