Birleşen Patyşalygyň býujeti şu ýylyň ýanwarynda 16,7 milliard funt sterling artyk boldy. Bu görkeziji soňky 21 ýyldaky iň uly görkezijidir. Ýurduň milli statistika edarasy (ONS) ýanwar aýyna degişli maglumatlary ýaýratdy. Degişli döwürde salgytdan alnan girdejiler 1,8 milliard funt sterling azalyp, 33 milliard funt sterling bolupdyr. Geçen aý býujetiň artyk möçberi 2023-nji ýylyň degişli döwründäkiden 7,5 milliard funt sterling köp bolupdyr. Bilermenler bu görkezijiniň 18,7 milliard funt sterling boljakdygyny çaklapdyrlar. Ýurtda ýyllyk girdeji salgydy ýanwar aýynda tölenýändigi sebäpli býujet adatça bu aýda göz öňünde tutulandan artyk bolýar.
Statistika edarasynyň maglumatyna görä, şu ýylyň ýanwar aýyndaky býujetiň artyk mukdary mundan ozalky rekord bolan 1993-nji ýyldakydan ýokary bolupdyr.
Wepa Meredow, Türkmen döwlet maliýe institutynyň talyby.
