Me­niň dos­tum Mon­ti Ro­berts – San-Isid­ro­da­ky at­ha­naly mülküň ho­ja­ýy­ny. Ol me­ni öz öýü­ne myh­man­çy­ly­ga ça­gyr­dy. Şeý­le-de, ol ge­çi­ril­jek at ça­py­şy­gyn­da ozaý­jak at­la­ra pul go­ýup, bi­raz gir­de­ji ga­zan­ma­ga sy­na­nyş­ma­gy­my hem teklip etdi. Çün­ki ma­ňa ça­ga­la­ry­myň is­leg-ar­zuw­la­ry­ny ka­na­gat­lan­dyr­mak üçin se­riş­de ge­rek­di.
Men soň­ky sa­par ol ýer­de bo­la­nym­da, me­ni otu­ran­lar bi­len ta­nyş­dy­ryp, şeý­le di­ý­di:
– Dog­ru­sy, men Jeki bu ýere ýetginjeklik ýyllarym başymdan geçirenlerimi gürrüň bermek üçin çagyrdym – di­ýip, sö­ze baş­la­dy.
Bu gürrüňleriň ählisi ka­ka­sy at se­ýis­le­mek bi­len meş­gul­lan­ýan, he­mi­şe on­dan-oňa, fer­ma­dan-fer­ma, mülk­den-mül­ke gö­çüp-go­nup ýö­ren ýetginjegiň başdan geçirenleri barada barýar. Ýy­gy-ýy­gy­dan on­dan oňa gö­çüp-go­nup ýör­mek­lik he­mi­şe onuň mek­dep­dä­ki oku­wy­nyň ara­sy­ny üz­mä­ge se­bäp bo­lup­dyr.
Ol ýo­ka­ry syn­pa ba­ran­da, mu­gal­lym okuw­çy­la­ra mek­de­bi ta­mam­lan­la­ryn­dan soň, ola­ryň kim bol­ma­gy ar­zuw ed­ýän­li­gi ba­ra­da düz­me ýaz­ma­gy tab­şy­ryp­dyr.
Mon­ti şol gi­je ran­ço­nyň, ýag­ny uly at­ha­na­ly mül­küň ho­ja­ýy­ny bol­ma­gy ar­zuw ed­ýän­li­gi ba­ra­da ýe­di sa­hy­pa düz­me ýa­zyp­dyr. Ýa­zan düz­me­sin­de ol gel­jek­ki ar­zu­wy ba­ra­da jik­me-jik gür­rüň be­rip, hat­da teb­le­ha­na­la­ryň, tür­gen­le­şik ge­çil­ýän aý­law­la­ryň ýer­le­şi­şi­ni gör­kez­ýän 200 akr (81 gek­tar) öl­çeg­dä­ki uly mül­küň me­ýil­na­ma­sy­ny­ňam çyz­gy­sy­ny çy­zyp­dyr. Soň­ra ýet­gin­jek ýa­şa­mak is­le­ýän 400 ine­dör­dül fu­ta (122 ine­dör­dül metr) ba­ra­bar bo­lan ja­ýy­nyň hem jik­me-jik me­ýil­na­ma­sy­ny dü­züp­dir.
Er­te­si gün ýet­gin­jek özü­niň jan edip dü­zen tas­la­ma­sy­ny mu­gal­ly­my­na gow­şu­ryp­dyr. Mu­gal­lym iki gün­den onuň düz­me­si­ni yzy­na gaý­ta­ryp­dyr. Onuň bi­rin­ji sa­hy­pa­sy­na uly gy­zyl harp­lar bi­len “Ka­na­gat­la­nar­syz” di­ýen ba­ha­ny go­ýup­dyr. Dep­der­de: “Sa­pak­dan soň gal” diýen ýaz­gam bar eken.
Teb­le­ha­na­ly mülk hak­da ar­zuw ed­ýän ýet­gin­jek sa­pak­dan soň, mu­gal­ly­myň ýa­ny­na ge­lip, on­dan:
– Nä­me üçin düz­mä­me “ka­na­gat­la­nar­syz” ba­ha goý­du­ňyz? – di­ýip so­rap­dyr.
Mu­gal­lym şeý­le jo­gap be­rip­dir:
– Se­niň teb­le­ha­na­ly mülk hem-de at se­ýis­le­mek ba­ra­da­ky ar­zuw­la­ryň ba­şa bar­jak zat­ däl ahyryn. Ola­ry gur­mak um­ma­syz se­riş­de ta­lap ed­ýär-ä. Si­ziň maş­ga­la­ňyz bol­sa, he­mi­şe bel­li bir me­ka­ny bol­man, on­dan-oňa gö­çüp-go­nup ýö­r. Ha­çan-da, ýe­ke atyň ba­ha­sy­nyň yzyn­dan ýe­tip bol­ma­ýar­ka, sen nä­dip on­ça at­la­ry ös­dü­rip ýe­tiş­dir­jek?!.. Sen ýe­ne-de ýer sa­tyn al­jak­dy­gyň, to­hum at sü­rü­si­ni sa­tyn al­jak­dy­gyň ba­ra­da-da ýa­zyp­syň. Sen­de ýe­ter­lik se­riş­dä­niň ýok­lu­gy se­bäp­li bu boş ar­zuw­la­ry­ňy ama­la aşy­ryp bil­mer­siň-ä. Eger-de tä­ze­den düz­me ýa­zyp, on­da haý­sy­dyr bir ba­şa­ryp bi­läý­jek iş­le­riň hak­da gür­rüň goz­ga­saň, men ka­na­gat­la­nar­syz ba­ha­my pozup, se­ni ka­na­gat­lan­dy­raý­jak ba­ha­ny go­ýaý­ma­gym hem müm­kin.
Ýet­gin­jek öý­le­ri­ne do­la­nyp, mu­gal­ly­myň tek­li­bi ba­ra­da uzak wagt oý­la­nyp­dyr. Ol ka­ka­syn­dan nä­me et­se, oňat bol­jak­dy­gy ba­ra­da so­ran­da, ol şeý­le jo­gap be­rip­dir:
– Og­lum, sen hök­man öz aky­lyň bi­len ýa­şa­ma­ly­syň. Men bu me­se­le ba­ra­da di­ňe se­niň özüň bel­li bir ka­ra­ra gel­me­li – di­ýip, pi­kir ed­ýä­rin.
Ara­dan bir hep­de ge­çip­dir, ýet­gin­jek düz­mä­niň ýe­ke­je sö­zü­nem üýt­get­män, ony öň­kü­li­gi­ne mu­gal­ly­my­na el­tip be­rip­dir.
“Goý, men ka­na­gat­la­nar­syz ba­ha ala­ýyn, ýö­ne öz ar­zu­wy­ma iki­lik edip bil­jek däl” di­ýip, öz ýa­nyn­dan içi­ni gep­le­dip­dir…
Soň­ra Mon­ti otu­ran­la­ra ba­kyp, şeý­le diý­di:
– Ine, hä­zir, gör­şü­ňiz ýa­ly, siz me­niň şol ça­ga­ly­gym­da ar­zuw eden 200 akr­lyk at­ha­na­ly mül­küm­dä­ki 400 ine­dör­dül fut öl­çe­ge ba­ra­bar bo­lan ja­ýym­da otyr­sy­ňyz. Me­niň ar­zuw­la­rym ba­ra­da­ky mek­dep­de ýa­zan şol düz­mä­mi bol­sa, da­şy­ny çar­çu­wa­lap, di­war­dan asyp goý­dum. Ýö­ne bu wa­ka­nyň do­wa­my hem bar.
Iki ýyl mun­dan ozal, şol mek­dep mu­gal­ly­my me­niň teb­le­ha­naly mülküme okuw­çy­la­ry bi­len tu­tuş bir hep­de­lik ge­lip, dynç alyp git­diler. Ha­çan-da, ol yzy­na gaýt­jak bo­lan­da, ma­ňa şeý­le diý­di:
– Men kä­wagt­lar özü­mi şol dö­wür­de si­ziň ar­zuw­la­ry­ňy­za päs­gel be­ren ýa­ly duý­ýa­ryn. Her-nä bag­ty­my­za, sen ber­len ba­ha bo­ýun syn­man, eden­li ýi­git bo­lup ýe­tiş­diň. Ma­ňa öz ar­zuw­la­ry­ňa bö­wet bol­ma­gy­ma ýol ber­me­diň. Siz dur­muş­da öz ar­zuw­la­ry­ňy­zyň öňü­ne bö­wet bol­ma­gy­na hiç ki­me ýol ber­mäň! Öz ýü­re­­gi­ňi­zi pug­ta diň­läň! Bu ýa­şa­ýyş-dur­mu­şy­ňyz­da iň mö­hüm zat­dyr!

Iň­lis di­lin­den ter­ji­me eden
Mer­dan An­na­sä­he­dow,
Bal­ka­na­bat şä­he­ri­ndäki da­şa­ry ýurt
dil­le­ri­ne ýö­ri­te­leş­di­ri­len 3-nji or­ta
mek­de­biň okuw­çy­sy.

Gyzykly bolup bilerЕЩЕ ОТ АВТОРА