Soňky maglumatlara görä, Ýaponiýada dünýä inen bäbekleriň sany rekord derejede az boldy. Şeýlelikde geçen ýyl yzly-yzyna 8 ýyllap ýurtda çaga dogluşy azalmagyny dowam etdirdi. Ýurduň hökümeti we hususy kompaniýalar bu ýagdaýyň öňüni almak üçin dürli ýeňillikler we höweslendiriji çäreler geçirýär. 2023-nji ýylda ýurtda ozalky ýyldakydan 5,1 göterim pes, ýagny 758 müň 631 bäbek dünýä inipdir. Nikalaşanlaryň sany bolsa, 5,9 göterim azalyp, 489 müň 281 bolupdyr. Şeýlelikde bu san soňky 90 ýylda ilkinji gezek 500 müňden aşak düşüpdir.
Bu ýagdaý diňe Ýaponiýada däl, eýsem Hytaý, Koreýa ýaly beýleki Uzak Gündogar ýurtlarynda hem bar.
