Gün­de­lik diý­lip, di­ňe öýe ber­len ýu­muş­la­ra we okuw­çy­nyň ýe­ti­şi­gi­ne ba­ha be­ril­ýän dep­der­çä däl-de, öz pi­ki­riň, baş­dan ge­çi­ren wa­ka­la­ryň we ar­zuw-hy­ýal­la­ryň ba­ra­da ýa­zyl­ýan dep­de­re hem aý­dyl­ýar. Bi­ler­men­ler dur­mu­şy­ňyz­da bo­lup ge­çen wa­ka­la­ry, bir ýe­re gi­de­ni­ňiz­de gö­ren zat­la­ry­ňy­zy, dur­mu­şy­ňy­za tä­sir edip bil­jek söz­le­ri, duý­gu­la­ry­ňy­zy yzy­gi­der­li «ha­sa­ba al­ma­gyň» ada­myň ru­hy sag­ly­gy­na oňyn tä­sir ed­ýän­di­gi­ni bel­le­ýär­ler. Eý­sem, gün­de­lik tut­ma­gyň nä­hi­li peý­da­ly ta­rap­la­ry bar­ka?

Ýadawlygy azald­ýar. Duý­gu­la­ry­ňy hem-de il­kin­ji ge­zek baş­dan ge­çi­ren wa­ka­la­ry­ňy öz söz­le­riň bi­len ýaz­mak, bel­li bir de­re­je­de ru­hy dart­gyn­ly­ly­gy ara­dan aýyr­ýar. Bi­ler­men­ler mu­nuň tä­sir­li bol­ma­gy üçin yzy­gi­der­li gün­de­lik ýö­ret­me­gi mas­la­hat ber­ýär­ler.
Ýat­keş­lige täsiri. Gün­de­lik ýö­ret­mek, wag­tyň geç­me­gi bi­len unu­dy­lan, em­ma si­ziň dur­mu­şy­ňyz üçin äh­mi­ýet­li zat­la­ry ýat­da sak­la­ma­ga ýa-da ýat­dan çy­kan bol­sa, ony tap­ma­ga müm­kin­çi­lik ber­ýär.
Özü­ňi ta­na­maga ýardam edýär. «Özü­ni ta­nan we­li» diý­len bir jüm­le bar. Gün­de­lik ýö­ret­mek pi­kir­le­ri­ňi­ze we duý­gu­la­ry­ňy­za gaý­ta­dan se­ret­mä­ge müm­kin­çi­lik be­rer. Bu bol­sa, özü­ňi ta­na­ma­ga ýar­dam eder.
Teh­no­lo­gi­ýa­dan uzak­laş­dyrýar. Hä­zir­ teh­no­lo­gi­ýa­nyň ös­me­gi fi­zi­ki iş­le­riň kö­pü­sini aň­sat­laş­dy. Mu­ňa ga­ra­maz­dan, köp adam wag­ty­nyň az­dy­gyn­dan zeýren­ýär. Ulu­dan-ki­çä köp adam bol­sa, wag­ty­nyň ag­ram­ly bö­le­gi­ni haýsydyr bir ekranyň gar­şy­syn­da ge­çir­ýär. Şeýlelikde, bi­ziň işi­mi­zi ýe­ňil­leş­dir­ýän teh­no­lo­gi­ýa wag­ty­my­zy hem al­ýar. Günüň dowamynda özümiz üçin amatly wagtda bir gyra çekilip, eliň bilen hat ýazmak adamy tehnologiýadan uzaklaşdyryp, öz-özüň bilen ýüzbe-ýüz bolmaga mümkinçilik berýär.
Dö­re­di­ji­li­ge peý­da­sy. Di­ňe ede­bi dö­re­di­ji­lik däl, eý­sem, adam gün­de­lik dur­mu­şyn­da ýüz­be-ýüz bol­ýan me­se­le­le­ri­ni çöz­mek üçin hem haý­sy­dyr bir za­dy oý­lap tap­ma­ly, dö­ret­me­li bol­ýar. Ýa­zýan wag­tyň tä­ze pi­kir­le­riň dö­re­me­gi müm­kin. Bu «açyş» iş, okuw, maş­ga­la­ňyz bi­len bag­ly tä­ze pi­kir­le­riň, mak­sat­la­ryň ýa-da ar­zuw-hy­ýal­la­ryň dö­re­me­gi­ne ge­ti­rip bi­ler.

Gyzykly bolup bilerЕЩЕ ОТ АВТОРА