Sogaplar hazynasy

Ne­sip bol­sa san­ly­ja gün­ler­den il için­de aý­la­ryň ýag­şy­sy ha­sap­lan­ýan mu­kad­des Re­me­zan aýy­ny gar­şy ala­rys.
Aý­la­ryň ýag­şy­sy, so­gap­lar ha­zy­na­sy, ýag­şy­lyk­lar men­zi­li bo­lan Re­me­zan aýy mu­sul­man dün­ýä­sin­de mu­kad­des aý­la­ryň bi­ri ha­sap­la­nyl­ýar. Bu aý­da ulus-ili­miz ag­zy­bir­lik­de ora­za tut­ýar, agyz bek­le­ýär. Bu mu­kad­des aýyň go­laý­lap gel­me­gi­niň il­kin­ji buş­lu­gy ça­ga­jyk­la­ryň goň­şy öý­le­re aý­la­nyp re­me­zan aý­dyş­la­ry bo­lar. Bu des­sur­lar türk­men hal­ky­nyň ga­dym­dan gel­ýän des­sur­la­ry­dyr.
Ora­za gel­di haý bi­len,
Bir me­le­je taý bi­len,
Ta­ýym bat­ga ba­tan­da,
Çy­ka­ryň haý-haý bi­len.

Biz-ä si­zi baý gör­dük,
Tüý­nüg­ňiz­de Aý gör­dik,
Al­tyn bi­len apar­dyk,
Kü­müş bi­len go­par­dyk…
di­ýip, aý­lan­ýan ça­ga­la­ryň şat­lyk­ly ses­le­ri mu­kad­des aýyň iň şa­dy­ýan gün­le­ri­ne öw­rü­ler.
Re­me­zan aýyn­da agyz bek­le­mek, ora­za tut­mak mu­sul­man­çy­ly­gyň bäş par­zy­nyň bi­ri bo­lup, ol il­kin­ji no­bat­da, di­ni ga­ra­ýyş­la­ra gö­rä, Be­ýik Bi­ri­ba­ryň eçi­len nyg­mat­la­ry­na şü­kür et­mek, dur­mu­şy gat­na­şyk­la­ryň ma­ny-maz­mu­ny­na dü­şün­mek, ne­bis­jeň­li­gi ýeň­mek ýa­ly dü­şün­je­le­ri ter­bi­ýe­le­mek bi­len bir­lik­de, yn­san sag­ly­gy üçin hem örän peý­da­ly ýö­rel­ge­dir. Bu aýyň ke­rem-ke­ra­ma­ty hem, ha­ýyr-sa­ha­wa­ty, ýag­şy­lyk mak­sat­la­ry-da ora­za tut­mak bi­len bag­la­ny­şyk­ly­dyr.
«Ora­za» pars sö­zi bo­lup, as­lyn­da arap­la­ryň «Sawm» di­ýen sö­zi bi­len aň­la­dyl­ýar we ol «Bir zat­dan daş dur­mak, özü­ňi sak­la­mak, bö­wet bol­mak» ýa­ly ma­ny­la­ry ber­ýär. Agyz bek­le­me­giň amal edil­me­gin­de-de şu ma­ny­nyň açyl­ma­gy­ny gör­mek bol­ýar. Ora­za jüm­le­si­niň has düş­nük­li dil­de dü­şün­di­ri­li­şi «Bir zat­dan sak­lan­mak» diý­mek­dir.
Bu mu­kad­des aý­da has köp ýag­şy­lyk et­mä­ge ça­lyş­ma­ly, çün­ki aýyň so­ga­by beý­le­ki aý­la­ryň­ky­dan has köp bol­ýar. Bi­rek-bi­re­ge mä­hir­li, hoş­gy­law bol­ma­ly. Ýar­da­ma mä­täç bol­sa, ýag­da­ýy­myz bol­du­gyn­dan kö­mek et­me­li. Ata-ene­le­ri­miz, do­gan-ga­ryn­daş­la­ry­myz, dost-ýar­la­ry­myz bi­len ha­bar­la­şyp, hal-ah­wal so­ra­şyp dur­ma­ly. Bu aý­da has­sa­la­ryň ýag­da­ýy­ny so­ra­ma­gyň, ola­ra gol­daw-he­ma­ýat et­me­giň, ýag­şy gün­le­re, ýag­ty gel­je­ge umyt­lan­dyr­ma­gyň hem has uly so­ga­ba eýe ed­ýän­di­gi nyg­tal­ýar.
Agyz bek­le­mek iý­mit siň­di­riş ul­ga­my­nyň işi­ni ýe­ňil­leş­dir­ýär. Ora­za­nyň sag­ly­gy­myz üçin äh­mi­ýet­li ta­rap­la­ry­nyň ýe­ne-de bi­ri, be­den­dä­ki ýa­raw­syz we gow­şak öý­jük­le­riň dar­gap, tä­ze öý­jük­le­riň sa­ny­nyň art­ýan­ly­gy­dyr. Mah­la­sy, bu aý­da agyz bek­le­mek her bir mu­sul­man üçin uly so­gap bo­lup, sag­ly­gyň has ber­ke­me­gi­ne, be­de­niň çy­dam­ly­ly­ga en­dik et­me­gi­ne se­bäp bol­ýar.
Goý, mu­ka­des Ora­za aýyn­da okal­jak do­ga-di­leg­ler, be­ril­jek sa­da­ka-pit­re­ler, edil­jek päk ar­zuw-ni­ýet­ler Be­ýik Bi­ri­ba­ryň der­gä­hin­de ka­bul bol­sun!

Maýa GUR­BAN­DUR­DY­ÝE­WA,
Türkmenistanyň Kärdeşler arkalaşyklarynyň Daşoguz welaýat birleşmesiniň maliýe bölüminiň esasy hünärmeni,hasapçysy.