Ispaniýanyň çempionatynda sanawyň lideri “Real Madrid” öz meýdançasynda “Seltanyň” derwezesinden jogapsyz 4 gol girizdi. Gollaryň 2-si awtogol bolup, beýlekileri Winisius Junior bilen oýnuň ahyrlarynda onuň ornuna giren Arda Güler geçirdi. 2-nji ýerdäki “Žirona” öz meýdançasynda “Osasunany” Portu hem-de Sawionyň gollary esasynda 2-0 hasabynda ýeňdi. “Barselona” Ilkaý Gündoganyň penaltini salyp bilmedik oýnunda Ýamalyň ýeke-täk goly bilen “Malýorkadan” 1-0 hasabynda üstün çykdy. Huanminiň 24-nji hem-de 64-nji minutlarda geçiren gollary bilen “Atletikony” 2-0 hasabynda utan “Kadiz” topary çempionatda 7 aýdan soň, ýagny 23 duşuşykdan soň ilkinji ýeňşini gazandy.
Barselona – Malýorka: 1-0 (Ýamal 73),
Walensiýa – Hetafe: 1-0 (Duro 40),
Kadiz – Atletiko: 2-0 (Huanmi 24, 64),
Granada – Real Sosiedad: 2-3 (Uzuni 21 p, 45+3 – Sadik 33, Le Norman 80, Andre Silwa 85),
Žirona – Osasuna: 2-0 (Portu 13, Sawio 86),
Alawes – Raýo Wallekano: 1-0 (Gorosabel 44),
Las Palmas – Atletik: 0-2 (Guruseta 31, Koko 65 ö.d.),
Real Madrid – Selta: 4-0 (Winisius Junior 21, Guaita 79 ö.d., Dominges 88 ö.d., Arda Güler 90+4),
Betis – Wilýarreal: 2-3 (Rodriges 30, Willian 45+2 – Baena 40, Papastatopulos 48 ö.d., Serlot 67),
Almeriýa – Sewilýa: 2-2 (Embarba 38, Milowanowiç 90+5 – Lukebakio 81, Okampos 86)
