Ýaz pas­ly­nyň gel­me­gi bi­len bel­le­nil­ýän iň naý­ba­şy baý­ram­la­ryň bi­ri hem Mil­li ba­har baý­ra­my – Hal­ka­ra Now­ruz gü­nü­dir. Şol gün de­mir­ga­zyk ýa­rym şar­da ba­har pas­ly­nyň il­kin­ji gü­ni baş­lan­ýar. Now­ruz gü­nü­niň da­ba­ra­sy Azi­ýa­dan baş­lap, Gü­nor­ta-Gün­do­gar Ýew­ro­pa, Kaw­kaz we Ural dag ge­riş­le­ri­ne çen­li uza­ýar. Now­ruz gü­ni 3 müň ýyl­dan gow­rak wagt bä­ri Gün­do­gar halk­la­ry ta­ra­pyn­dan bel­le­ni­lip ge­lin­ýän iň ga­dy­my baý­ram­la­ryň bi­ri bo­lup, dur­muş bi­len te­bi­ga­tyň aý­ryl­maz saz­la­şy­gy­ny, tä­ze­le­ni­şi hem-de te­bi­ga­tyň gaý­ta­dan jan­la­ny­şy­ny aň­lad­ýar.
Now­ruz gü­ni bi­rek-bi­re­ge hor­mat goý­mak, pa­ra­hat­çy­lyk we hoş­ni­ýet­li goň­şu­çy­lyk gat­na­şyk­la­ry­ny ber­kit­mek esa­syn­da bel­le­ni­lip ge­çil­ýär. «Tä­ze gün» diý­me­gi aň­lad­ýan Now­ruz baý­ram­çy­ly­gyn­da mil­li ta­gam­lar taý­ýar­la­ny­lyp, köp­çü­li­ge hö­dür-ke­rem edil­ýär. Esa­san hem, ba­har baý­ra­myn­da ene-ma­ma­lar­dyr gyz-ge­lin­ler üý­şüp, däp bo­lan baý­ram­çy­lyk ta­ga­my­ny – se­me­ni taý­ýar­la­ýar­lar. Se­me­ni bi­şi­ri­len­de do­ga-di­leg­ler edi­lip, gel­jek ýy­lyň be­re­ket­li, ha­syl­ly, jan sag­lyk­ly we ag­zy­bir­lik­li ýyl bol­ma­gy ar­zuw edil­ýär. Bug­daý dä­ne­si­niň şi­ne­sin­den taý­ýar­lan­ýan bu ta­ga­my bişirmek we dat­mak so­gap ha­sap­lan­ýar. Now­ruz­da tä­ze egin-eşik­le­ri geý­mek hem, tä­ze ýy­lyň şow­ly bol­ma­gy­ny aň­lad­ýan ynanç­la­ryň bi­ri bo­lup, maş­ga­la ag­za­la­ry bi­ri-bi­ri­ne ge­ýim-ge­jim­le­ri sow­gat ed­ýär­ler. Gün­do­gar hal­klarynyň käbirinde baý­ram­çy­lyk gü­ni gy­zyl reňk­li egin-eşik­le­ri ge­ýip, tans et­mek we aý­dym aýt­mak des­sur­la­ry bar. Kä­bir halk­da çem­çe-ça­nak­ly goň­şu­la­ry­ňa aý­lan­mak, ot­dan bök­mek we sal­lan­çakda uç­mak ýa­ly däp­ler hem bar.
Yn­san­la­ry bi­rek-bi­re­ge ýa­kyn­laş­dyr­mak­da­ky, halk­la­ry yn­san­per­wer­lik we raý­daş­lyk ýö­rel­ge­le­ri esa­syn­da je­bis­leş­dir­mek­dä­ki or­ny göz öňün­de tu­tu­lyp, 2009-njy ýyl­da Now­ruz baý­ra­my­nyň ge­çi­ri­liş däp­le­ri ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­di. 2010-njy ýyl­da bol­sa, BMG-niň Baş As­samb­le­ýa­sy­nyň 64-nji mej­li­sin­de 21-nji mar­ty «Hal­ka­ra Now­ruz gü­ni» di­ýip yg­lan et­mek ha­kyn­da Ka­rar­na­ma ka­bul edil­di. Mu­nuň özi Now­ruz baý­ra­my­nyň adam­zat gym­mat­ly­gy hök­mün­de äh­mi­ýe­ti­ni has-da art­dyr­dy.
Bir­le­şen Mil­let­ler Gu­ra­ma­sy­nyň gu­ra­ma­gyn­da, şeý­le hem dür­li ýurt­lar­da Hal­ka­ra Now­ruz gü­nü­ne ba­gyş­la­nyp dür­li me­de­ni çä­re­ler ge­çi­ril­ýär. Ta­gam taý­ýar­la­mak, çar­wa­la­ryň at üs­tün­dä­ki ýa­ryş­la­ry, mer­gen­çi­lik us­sat­ly­gy, gö­reş tut­mak, at çap­dyr­mak ýa­ly dür­li ýa­ryş­lar baý­ram­çy­lyk gü­nü­niň joş­gu­ny­ny art­dyr­ýar. Mas­la­hat­lar­dyr kon­fe­ren­si­ýa­lar­da Ýa­kyn Gün­do­gar ýurt­la­ry­nyň me­de­ni mi­ra­sy, onuň ga­dy­my­ly­gy ba­ra­da çy­kyş­lar diň­le­nil­ýär. Mil­li däp-des­sur­la­ryň, me­de­ni gym­mat­lyk­la­ryň dür­li nus­ga­la­ry­na ba­gyş­la­nan ser­gi­ler gu­ral­ýar. Now­ruz baý­ra­my köp mil­let­le­riň, şol san­da türk­men hal­ky­nyň ýo­ka­ry ru­hy-ah­lak gym­mat­lyk­la­ry­ny, mil­li däp-des­sur­la­ry­ny we edim-gy­lym­la­ry­ny özün­de jem­le­ýän naý­ba­şy baý­ram­la­ryň bi­ri­dir.

Gyzykly bolup bilerЕЩЕ ОТ АВТОРА