5-nji okt­ýabr­da şwed aka­de­mi­ýa­syn­da 2017-nji ýyl üçin No­be­liň ede­bi­ýat bo­ýun­ça baý­ra­gy­na bri­tan ýa­zy­jy­sy Kad­zuo Isi­gu­ro­nyň my­na­syp bo­lan­dy­gy mä­lim edil­di. Baý­ra­gyň press-re­li­zin­de şwed aka­de­mi­ýa­sy­nyň we­kil­le­ri “Onuň ro­man­la­ryn­da dün­ýä bi­len hy­ýa­ly gat­na­şyk gu­ra­lyp, dü­şün­di­rip bol­ma­ýan, öz­bo­luş­ly dün­ýä­ni gö­rüp bol­ýar” diý­lip bel­le­nip ge­çil­ýär.
Aka­de­mi­ýa­nyň he­mi­şe­lik sek­re­ta­ry Sa­ra Da­ni­us ýa­zy­jy­nyň eser­le­rin­dä­ki dog­ru­çyl­ly­ga ýo­ka­ry ba­ha ber­di. Kad­zuo Isi­gu­ro 9-10-njy de­kabr­da ge­çi­ril­jek baý­rak gow­şu­ry­lyş da­ba­ra­syn­da Alf­red No­be­liň pro­fi­li şe­kil­len­di­ri­len al­tyn me­dal we 9 mil­li­on şwed kro­ny (1,12 mil­li­on dol­lar) möç­be­rin­de baý­ra­ga eýe bo­lar.
Kad­zuo Isi­gu­ro 1954-nji ýy­lyň 8-nji no­ýab­ryn­da Ýa­po­ni­ýa­nyň Na­ga­sa­ki şä­he­rin­de dün­ýä in­ýär. Ol bäş ýa­şyn­da­ka maş­ga­la­sy Bri­ta­ni­ýa gö­çüp bar­ýar. Ol ke­ma­la ge­len­den soň­ra dog­duk de­pe­si­ne baryp gör­ýär. Ol 1974-nji ýyl­da Kent uni­wer­si­te­ti­ne girip, 1978-nji ýylda iň­lis di­li we fi­lo­so­fi­ýadan bakalawr derejesini alýar. 1980-nji ýylda Gün­do­gar Ang­li­ýa uni­wer­si­te­tin­de sungatyň magistri derejesini alýar.
Kad­zuo Isi­gu­ro 1982-nji ýyl­da “Alaň­la­ryň öçüg­si man­za­ra­sy” at­ly il­kin­ji ki­ta­by­ny ne­şir et­dir­ýär. Onuň bi­rin­ji ro­ma­nyndaky we “Tol­kun at­ýan dün­ýä­niň su­rat­ke­şi” (1986) at­ly ro­manyndaky wakalar Ikin­ji ja­han ur­şun­dan soň, Na­ga­sa­ki­de bo­lup geç­ýar. Ýa­zy­jy Ko­rol­ly­gyň ede­bi­ýat jem­gy­ýe­ti­niň ag­za­sy bo­lup, “Tol­kun at­ýan dün­ýä­niň su­rat­ke­şi”, “Kö­şeş­me­zek” ro­man­la­ry üçin “Uitb­red” baý­ra­gy­na mynasyp bolýar. “Ga­lan gün­ler” (1989) ro­ma­ny üçin hem “Bu­ker” baý­ra­gy­na mynasyp bolýar. Isi­gu­ro 40-dan gow­rak di­le ter­ji­me edi­len 8 ki­ta­byň aw­to­ry­dyr. Onuň “Ga­lan gün­ler” we 2010-njy ýyl­da ek­ran­laş­dy­ry­lan “Me­ni hiç ha­çan goý­ber­me” at­ly ro­man­la­ry, iň meş­hur ki­tap­la­ry ha­sap­lan­ýar. 2005-nji ýyl­da ne­şir edi­len “Me­ni hiç ha­çan goý­ber­me” ro­ma­ny “Ti­me” žur­na­ly­nyň ýaz­ma­gy­na gö­rä, iň go­wy 100 iň­lis ro­ma­ny­nyň sa­na­wy­na gir­ýär.
No­be­liň ede­bi­ýat bo­ýun­ça baý­ra­gy şwed oý­lap ta­py­jy­sy Alf­red No­be­liň wes­ýe­ti bi­len 1901-nji ýyl­dan bä­ri gow­şu­ryl­yp gelinýär. Ga­raş­syz bi­ler­men­ler şu ýyl No­be­liň ede­bi­ýat baý­ra­gy­na da­laş­gär hök­mün­de bi­rin­ji orun­da ýa­pon ýa­zy­jy­sy Ha­ru­ki Mu­ra­ka­mi­ni go­ýup­dy­lar. Ikin­ji orun­da ke­ni­ýa­ly ýa­zy­jy Hru­gi Ba Thion­go, üçün­ji orun­da hem ys­ra­ýyl­ly ýa­zy­jy Amos Oz, ka­na­da­ly ýa­zy­jy ze­nan Mar­ga­ret Et­wud we hy­taý­ly ýa­zy­jy Ýan Lýan­ke da­gy dur­ýar­dy. Ge­çen ýyl bu baý­ra­gyň eýe­si ame­ri­kan şa­hy­ry hem sa­zan­da­sy Bob Di­lan bo­lup­dy. 2015-nji ýyl­da hem be­la­rus şa­hyr ze­na­ny Swet­la­na Alek­si­ýe­wiç bu baý­ra­ga my­na­syp bo­lup, ol baý­ra­gyň ta­ry­hyn­da 14-nji ze­nan – lau­re­at­dyr.

Gyzykly bolup bilerЕЩЕ ОТ АВТОРА