Şu tomusda Germaniýada geçiriljek EURO 2024 futbol çempionatyna wekilçilik etjek soňky 3 ýygyndy hem belli boldy. Pleý-off “A” geçelgesiniň finalynda Uelsiň ýygyndysy Kardiff şäherinde Polşanyň ýygyndysy bilen duşuşdy. Duşuşykda hasap açylmady. Goşmaça berlen 30 minutda-da toparlara tapawutlanmak başartmady. Ýeňijini kesgitlemek penalti urgularyna galdy. Her topar 5 urgy ýerine ýetirip, polýaklar olaryň ählisini dürs urmagy başardy. Uelsiň ýygyndysynda-da Daniel Jeýms 5-nji urgyny takyk urup bilmedi. 5-4 hasabynda üstün çykan Polşanyň ýygyndysy yzly-yzyna 5-nji gezek Ýewropa çempionatyna wekilçilik etmäge hukuk gazandy. Polşanyň ýygyndysy çempionatda “D” toparçada Niderlandlaryň, Fransiýanyň hem-de Awstriýanyň ýygyndylary bilen özara güýç synanyşar.
