EURO 2024-e gatnaşjak soňky 3 ýygyndyny kesgitleýän Pleý-off tapgyrynyň final duşuşyklarynda “B” geçelgäniň ýeňijisi Ukrainanyň ýygyndysy boldy. Polşanyň Wroslaw şäherinde geçirilen finalda Ukrainanyň ýygyndysy bilen Islandiýanyň ýygyndysy duşuşdy. Duşuşygyň 30-njy minutynda Albert Gudmundsson Islandiýany öňe çykardy. Ýöne 2-nji ýarymda ruhdan düşmedik ukrainler ýeňiş gazanmagy başardy. Ilki 54-nji minutda Wiktor Sygankow hasaby deňledi, soňra 84-nji minutda Mihail Mudryk ýeňiş getiren goly geçirdi. Şunlukda, 2-1 hasabynda ýeňiş gazanan Ukrainanyň ýygyndysy yzly-yzyna 4-nji gezek Ýewropa çempionatyna gatnaşar. Ukrainanyň ýygyndysy “E” toparçada Belgiýanyň, Rumyniýanyň hem-de Slowakiýanyň ýygyndylary bilen duşuşar.
