Fransiýanyň çempionatynda tapgyryň merkezi oýnunda, “Le Classique” duşuşygynda “Marsel” bilen sanawyň lideri PSŽ duşuşdy. Çekeleşikli we dartgynly geçen oýunda parižliler 2-nji ýarymy 1 oýunçy kem oýnandyklaryna garamazdan, 2-0 hasabynda ýeňiş gazandy. 40-njy minutda Beraldonyň gyzyl kart alan oýnunda PSŽ-niň gollaryny portugaliýaly futbolçylar – Witinýa (53) bilen Ramuş (85) derweze girizdi. PSŽ 25 oýundan bäri ýeňilmän gelýär. 2-nji ýerdäki “Brest” topary-da myhmançylykda “Loriýany” Del Kastilýonyň 86-njy minutda geçiren goly esasynda 1-0 hasabynda ýeňdi. 7 goluň geçirilen oýnunda “Monako” myhmançylykda “Metsi” 5-2 hasabynda utdy. Duşuşykda ilkinji 16 minutda 3 gol geçiren “Monakonyň” soňky 2 goluny Balogun öz adyna ýazdyrdy.
Lill – Lans: 2-1 (Žegrowa 9, 60 – Wai 78),
Mets – Monako: 2-5 (Diallo 78, Sane 84 – Minamino 4, Akliuş 10, Wanderson 16, Balogun 78, 88),
Lion – Reýms: 1-1 (Nuama 65 – Okumu 55),
Loriýan – Brest: 0-1 (Del Kastilýo 86),
Le Hawr – Monpelie: 0-2 (Ferri 72, Žulien 80),
Klermon – Tuluza: 0-3 (Sierro 8 p, 79, Dallinga 73),
Nissa – Nant: 1-2 (Moffi 72 p – Ablin 19, Mohamed 76 p),
Strasbur – Renn: 2-0 (Senaýa 71, Seba 73),
Marsel – PSŽ: 0-2 (Witinýa 53, Ramuş 85)
