UEFA Çempionlar Ligasynda hepdäniň sişenbe günündäki beýleki duşuşykda-da “Real Madrid” öz meýdançasynda soňky çempion “Mançester Sitini” kabul eder. Madriddäki duşuşykda fransiýaly Fransua Leteksie jürlewük çalar.
Ýaryşyň soňky 2 çempiony – “Real Madrid” bilen “Mançester Siti” toparlary bassyr 3-nji, soňky 5 möwsümde 4-nji gezek gabatlaşarlar. Olar ilkinji gezek 2012/13 möwsüminde toparçalarda duşuşypdy. Şonda Madriddäki oýunda ýer eýeleri 3-2 hasabynda ýeňiş gazanyp, myhmançylykda utuklary paýlaşypdylar (1-1). Soňky 5 möwsümde 3-si bassyr, umumylykda 4-nji gezek duşuşjak klublaryň 2019/20 möwsümindäki 2 duşuşygynda-da “Mançester Siti” 2-1 hasaplar bilen ýeňiş gazandy. Yzly-yzyna 2 möwsüm ýarym finalda gabatlaşyp, 2021/22 möwsüminde “Real” ýatdan çykmajak kembek bilen ýeňiş gazanyp, möwsümi çempionlyk bilen tamamlady. 1-nji oýunda 4-3 utulan “Real” jogap duşuşygynda 90-njy minutdan soň 2 gol geçirip, goşmaça wagtda-da ýeňşini baýram etdi. Geçen möwsümde-de ýeňiş iňlis klubunyň tarapynda boldy we ahyrynda-da “Mançester Siti” ýaryşyň täze çempiony diýen ady eýeledi.
IKI TOPARYŇ ÖŇKI DUŞUŞYKLARY:
2012/13 möwsümi toparçalarda:
“Real Madrid” – “Man. Siti”: 3-2 (Marselo 76, Benzema 87, Ronaldo 90 – Jeko 68, Kolarow 85),
“Man. Siti” – “Real Madrid: 1-1 (Aguero 73 p – Benzema 10);
2015/16 möwsümi ýarym finalda:
“Man. Siti” – “Real Madrid”: 0-0,
“Real Madrid” – “Man. Siti”: 1-0 (Fernando 20 ö.d.);
2019/20 möwsümi 1/8 finalda:
“Real Madrid” – Man. Siti”: 1-2 (Isko 60 – Žesus 78, De Bruýne 83 p),
“Man. Siti” – “Real Madrid”: 2-1 (Sterling 9, Žesus 68 – Benzema 28);
2021/22 möwsümi ýarym finalda:
“Man. Siti” – “Real Madrid”: 4-3 (De Bruýne 2, Žesus 11, Foden 53, B. Silwa 74 – Benzema 33, 82 p, Winisius 55),
“Real Madrid” – “Man. Siti”: 3-1 g.w. (Rodrigo 90, 90+1, Benzema 95 p – Mahrez 73);
2022/23 möwsümi ýarym finalda:
“Real Madrid” – “Man. Siti”: 1-1 (Winisius 36 – De Bruýne 67),
“Man. Siti” – “Real Madrid”: 4-0 (B. Silwa 23, 37, Akanži 76, Alwares 90+1)
