Özbegistanyň Samarkant şäheriniň häkimligine “2024-nji ýylda GDA-nyň medeni paýtagty” diýen adyň berlendigi barada şahadatnama gowşuryldy. Medeni çäräniň açylyş dabarasy Hamid Alimjan adyndaky Samarkandyň aýdym-saz drama teatrynda geçirildi. Bu barada “Daryo.uz.” web saýty habar berdi.
Şeýlelikde, 2024-nji ýylda Samarkant şäheri GDA ýurtlarynyň medeniýet we sungat işgärleriniň üns merkezine öwrüler. Maksatnamanyň çäklerinde döredijilik duşuşyklary, gastrollar, alymlaryň we türgenleriň çykyşlary, wernisažlar we sergiler meýilleşdirilýär.
Samarkant GDA-nyň medeni paýtagty estafetasyny Sankt-Peterburgdan kabul etdi. “Arkalaşygyň medeni paýtagtlary” maksatnamasy 2010-njy ýyldan bäri durmuşa geçirilýär, her ýyl bu hormatly at GDA-nyň şäherleriniň birine berilýär.
