Litwaly ýeňil atletikaçy Mikolas Alekna disk zyňmakda dünýä rekordynyň täze eýesi boldy. Ol ABŞ-nyň Oklahoma ştatyndaky Ramona şäherçesinde geçirilen ýaryşda diski 74,35 metre zyňyp, 38 ýyllyk rekordy täzeledi. Ozalky rekord germaniýaly Ýurgen Şulta degişlidi. Ol 1986-njy ýylda Neubrandenburgda 74,08 metre zyňyp, rekord goýupdy.
21 ýaşyndaky türgen şol bir wagtyň özünde kakasynyň iň ýokary görkezijisinden hem öňe geçmegi başardy. Onuň kakasy Wirgilius Alekna 2000-nji ýylda diski 73,88 metre zyňyp, şol wagta çenli iň ýokary 2-nji derejäni gazanypdy.
